7th July 2020 : COVID-19 News Update:Muicawl in kan chim cang ko nain ca in ka hun tar chih than. Thawngpaang fiang kan theih lo tikah thin a phang deuh. Ningcang loin thutdir a tam. Cucaah thawngpaang fiang theih kha Biapi tuk a si caah le Tutan avoi 2nk ah ruahlo in tangrai a hun karh thannak zong hi mipeem hna umnak, Holh thiam lo, thawngpaang fiang theih lo ruang le nawlngaih lo ruang hna ah a si tiah zumh le puh kan si. Cucaan ralring tein le nawlngai tein thurdir i zuam hna usih.

Victoria State ah COVID-19 rai a karh tuk caah Local Government Areas (LGAs) 32 ah Stage 3 level erhkhumhnak cu Daniel Andrew (Victoria Premier) nih thaizing 8 July zanṭim thok in zarh 6 chung a thar in zulh ding in nawl a chuah i a nunter ṭhan.Cu LGAs 32 chungah Nichuah le Nitlak Melbourne Liami kan umnak sang vialte an i tel dih.Stage 3 erhkhumh timi cu a tanglei langhmi phun dah lo ahcun inn chungah um hrimhrim ding a si:1.Rawl le a herh taktakmi thil cawk ding dawr kal.2.Ngandamnaklei zohkhenhnak le midang zohkhenh.3. Rian le cacawn – inn in na tuah khawh lo lawng ah.4. Ngandamnak caah execise tuah –nain erhkhumhmi sang ah/in luh/chuah lo ding

VCE taang 11 – 12 le specialist sianginn siangngakchia lawng hmai zarh ah sianginn an kir ṭhan lai. A dang Prep – taang 10 tiang cu sianginn khar zarh khat sauhpiak an si.Cucaah a herh lo ah leng chuah lo ding, i lenkai hrial chung ding, kut i ṭawl lengmang ding, midang he kut i tlaih rih lo ding, i donnak i kuh tbk. tuah rih lo ding, cumpi tlangrai tlawmpal ngeih sual zong ah COVID-19 i test ding tbk. vialte hi zulh khawh hrimhrim i zuam ding an si.Duhsaknak nganpi he:ACC EM .

Relchap<<Atulio US in George Floyd palik kut in athihnak ruang ah achuak mi buainak nih Europe ram tiang lam zawh aunak achuahter mi hi ahram cu “Minung Covo Dirpinak – Human Rights Support” asinain hi chung ah minung covo kong lawng si ti loin sualnak le firnak nih adawh tuk mi mipi dirhmun vialte kha anoih dih. Racism timi “minung takvun lawh lo ruang i thleidannak” hi afaak taktak mi asi. Kan vulei um ka in minung le minung kar ah thleidannak phunphun arak um peng mi asi. Aug 31 – Sept 8, 2001 kar South Africa ram Durban khua ah an rak tuah mi UN Conference nih Racism hi vulei pumpi nih doh ding minung thleidan nak asi tiah fehternak an tuah. US ram ummi minak (Black) lawng nih tuar mi asi lo, US ram ngeitu Red Indian, Hispanic, Asians, Arabians, Jews timi miphun kip nih tuarmi asi. US lawng zong miphun thleidan hmang an si ve fawn lo. Kan mah Asia ram chung hmanh ah Chinese nih Myanmar an neek deuh i Myanmar hmanh ah Kawl nih Lai an kan neek deuh ve ti khin vulei pumpi ah aummi miphun thleidannak asi.

Tutan US buainak hi US ah cun Politics khelnak caah laam an sialmi cu asi hrimhrim fawn tiah ruah chih khawh asi. November thimnak ah hin Joe Biden nih Donald Trump hi ka tei hrim hrim te lai i cu tikah Trump nih Thimnak (Election) adik lo ati te lai, cun White House in achuak duh te lai lo i US ralkap nih innchung in va chuah tiang dirhmun kan phan kho cang tiah achim mi CBS News nih avun țialmi tuak tikah Biden vs Trump politics raldonak hi aluancia US president thimnak arak um balmi vialte nak in hnahnawh buainak ngan deuh te dawh asi. Adang kong cu nichiar ti awk in TV ah kan hmuh cio ko i Covid-19 tlangrai in avun i fonh chih mi tulio mipi buainak hi November hrawng ah khin cun tlangrai zong an zual ter khawh țhan te mi asi kho. Mail-in Voting timi cabawm in thimfung thlaak mi kha Covid-19 ruang ah leng chuak loin hman te dawh an si caah caan ala ngai te ding asi. Politics hi cu athurhnomh cang ah cun ahnawm taktak mi asi tikah minung zapi-zaran kan nunnak hi cu an mah pumpak miaknak ah an kan thaap mi (Playing Card) ah an kan hman mi si khawh cio asi.

Donald Trump nih ‘atu bantuk George Floyd kong ah buainak achuak mi inhin millions tamtuk umnak US rampi hi Racist ram ti men ding kan si lo, kan police pawl zong hi țha deuh tu in training pek kan i zuam hna lai’ tiah achim ve. Arizona State in Republican palai asimi Walt Blackman nih cun George Floyd hi miphun caah adirmi hmaisuang ralțha (Hero) asi lo, mi hrokhrawl (Criminal) asi ko tiah achim ve. Floyd cu mi hrokhrawl dirhmun asi ko nain aton mi thilsining tu kha mipi nih an zuanhnawh mi asi. Amah Floyd kha an zuan hnawh mi asi lo ti hi theih ahau. Cucaah tutan buainak nih hin minak hna dirhmun hi zei mawzat ruah piak deuhnak avun chuah pi ah cun an mah bantuk in takvun i dannak ruang ah thleidannak a ingmi mipeem tampi caah thil țha achuak kho mi asi. Tulio ah cun ” Black Lives Matter” timi Minak hna nunnak hi ruah piak ahau mi asi tiah an au bantuk in minung vial nunnak hi ruang tein pompiak caan aphan cang (All Human Race Lives Matter) ti ding khi asi. “United Against Racism” Miphun thleidannak cu mi vialte nih doh ding asi. Credit .Vk

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha