Kawlram cu cozah nih riantha pawcawmnak khim in rian a pek lo tikah hmun dang kadang ah riantuan in a chuakmi long te an si. Lam naih deuh a si mi Malaysia hi an ram a tha riantuannak zong atha tikah Kawlram mi tampi riantuan in a hlawh fa mi an tam, cu lak ah Malaysia cozah nih tlaih khih a tam, um thiam lo in an tuah hna, Atu ah COVID-19 zawtnak tih ruangah Nizan May 11, 2020 ah khan Malaysia cozah nawlngeitu hna nih thil pakhat khat ruangah an tlaih mi hna Myanmar minung 400 hrawng cu Kawlram ah an rak kuat hna lai tiah thawng kan theih cu thawngchia ngai a si.

Malaysian Immigrationlei nih cun hmun (camp) 12 ah an chiah mi hna Myanmar minung 391 hna cu kuat ding hrim an si lai ti mi kong an chim.

Malaysia ah riantuan ding in a tanpi mi pawl hna (Myanmar Migrant Worker) U Aung Zaw Min nih, “Malaysia nawlngeitu nih an mi tlaih a tam tuk mi le zawtnak hrik an kai an tih ruangah kuatmi an si i, Kawlram cozah nawlngeitu he an tangti i Malaysia Airlines vanlawng pa 2 hmangin kuat an si lai i, A dih mi vialte tu cu Malaysia cozah nih a tum piak dih hna lai tiah an chim.

An kuat mi hna pawl hi an khua cio an phan in ni 21 chung cio a dang in (Community Based Facility quarantine) ah an chiah chung dih hna lai tiah an chim chih. 12nd May 2020

Ref: The Tahan Post

By Chuncha