Thantlang zunghmun sang nichuah lei Ka va kal cu Ka ngeih hna chia Ka lihna aleng

Thantlang zunghmun sang nichuah lei Ka va kal cu Ka ngeih hna chia Ka lihna aleng

Thantlang zunghmun sang nichuah lei Ka va kal cu Ka ngeih hna chia Ka lihna aleng,zeica tiah cun mizei chungkhar hmanh an um ti lo I an vok ar nih azua Tu chungkhar mi nung ah an Ka rel caah si ko rua. Ar rual nih ttih nak nei lo in an van Ka fuh, Meheh zong nih an van Ka fuh,cun vok zong nih heh tiah an van Ka awnh hnawh cang ah cun Aho fial hau lo in Ka mit thli cu Ka biang Cung ah ahung tla tluah mah ko. nan kal tak mi na vok na ar na Meheh an rawl tam in thih lai an ttih tuk ve caah mi nung an hmuh cun an awn lulh ko. Na zam sia teh na herh hna maw. Sui Minh. Ref: C7P

A Poi tuk e: Thantlang khuami zong ralzam dirhmun in an um ve cang: Thantlang khuami hna ralzam dirhmun in van thutto a si cang. Thantlang khuapi cu van chuah tak tluahmah si ko cang. Mah nih inntung dirh lo nak hmun ah tlikzam, himnak hmun kawl cio kan si. Hi ralzam tawkrelnak caah tiin Thantlang Placement Affairs Committe nih thialkamnak in siseh, umtu-thuttonak in siseh tawlrel cuahmah an si.

May be an image of one or more people and road

Ralzam cazin zong tawl rel cuahmah a si a rauhhlan ah hi kan page in van langhter kan i zuam lai. Ralzam hna caah ei-din, tirawl bawmhhau in kan um ko. Ramchung ramleng unau, nu le pa hna nan hnakkar van kan tenh ko uh law. Thantlang Placement Affairs Committe Pehtlehnak – Chat box/09423935703. Credit: Thantlang Placement Affairs Committe

Min Aung Hlaing nih NLD sinah president ka pe uh tiah a rak hal hmasa hna: Min Aung Hlaing nih Aana alaknak a ruang cu NLD MP pakhat simi U Bobo Oo nih fiangte in a chimmi chungin “February 1 ah MAH nih Aaan alak hlan nithum duh ah MAH nih NLD PARTY lutlai sinah tihin halnak a rak tuah bal” a ti. MAH nih aana alak lai nithum duhah palai rak thlah in president rian ka pe ulaw tiah arak halmi ah NLD nih an rak duh lo/cohlan piak lo ruangah Aana alak nak hi si tiah U Bo Bo Oo Dalah myone mee hmun no 2nk in MP aa cuhmi I atlingmi cu, Meekaung news nih interview an tuahnak ah piangro in a chim.

May be an image of 1 person and indoor

“Ralhrang nih ziah aana an lak tiah cun ralhrang hruaitu MAH nih nawlneihnak aa hruhpi chih caah si bik. MAH nihcun president rian ka pe uh,nan ka pe lai maw,pe lai lo dah,nan hnatlak lo si cun, tiah a phunphun in a rak tlokciar,aa rak ihro len cang tiah MP tling mi U Bo Bo Oo nih a chim. 2020 election ah NLD nih fak ngai in teinak arak hmuh, teitu party simi nih president rian tlai loin MAH tu president hun khinh ding cu asite si kho ve lo,NLD nih an pek duh lo hi an mawh ruam lo. မဲခေါင် news. C7p

Nihin Thawngpang: Lungler sakhan kha ruang ah a zaam mi hna Mizoram Cherhlun le Ngharchhip khua nih an va don hna: 2021 September 10 Thantlang Peng, Zahnak tlang Lungler sakhan kah ruang ah khua chuah takin himnak lei ah a zaam mi hna cu Mizoram, Cherhlun le Ngharchhip khuami hna nih nihin September 11 ah an va don hna tiah thawng kan theih.

Atu an va don mi hna hi a tam deuh cu Lungler khuami le pawngkam khuami hna an si. Hi kong he pehtlain Thingsai khuasa T Zosangpui nih, “Lungler sakhan kah ruang ah a zaam mi hna hi Cherhlun le Ngharchhip khua mi hna nih tlangrian hrihhawh in an va don hna. Khuachung i motor a um mi poh kal in an umnak hmun tiang an va don hna,” tiah a chim.

Hi ralzaam hna ca ah zeitindah khuami nih an tawlrel lai i an zohkhenh hna lai ti thawngfiang a um rih lo. Lungler sakhan kahnak ah CNA/CDF lei in a thimi an um lo nain minung 7 hliam an tuar tiah i SAC mithat phu lei zong tam ngai an thi tiah kan theih. Myanmar ram uknak hramhram in Min Aung Hlaing nih a laak hnu Mizoram ah a zaam mi hi nihin tiang minung 1000 fai an si cang. Hi chung ah CM hlun Salai Lian Luai telh in MP minung 20 leeng an si cang tiah kan theih. Credit: The Hakha Post

ZEIRELLO IN UM LAI CIH! Thihnak le nunnak kong hi kha hlan ahcun faak in kan rak ruat cio lai lo dah ka ti. Nunnak timi hi zeirello in a ummi kan tampi lai dah! Atu ah kan ram ah kahdonak a hun chuah tikah i kahdonak hmunhma ah a ummi hna cu thinphang thlalau in kan um i, thaizing khuaceu kan hmu kho te hnga maw ti kan ruat.

Khioka in dah kuanfang le bom cik a rat lai kan hngal lo. An meithal kuan le an bom cik cu an hmete nain zung nga tluk a chahmi thinghak (သစ်မာ) tung hna le thapkhat chahmi tlakrawh vampang (နံကပ်) hna cu tlengko in an vawr khawh. Champheu inn le bang cu kuan fang pakhat nih inn nga/ruk tiang a hlanh khawh lai. Cucaah mi cheukhat caah cun mi inn phen ah kan um ko zong ah a him thiamthiam lo. Zan khat a liam cun thlankhur pakhat in a chuakmi bantuk in kan i ruat.

Hi caan ah ka lung chung ah a hun chuak tukmi cu: Bawipa nih ka nunnak ni khat a hun ka chap tthan hi ta ti hi a si. Ni khat nunnak a sunglawi zia hi a ka theihter. Ni thar pakhat hi laksawng nganpi ah ka ruah cang. Dawtmi unau, nang tah na nun rih mi hi thluachuah nganpi ah na ruat tawn maw? Asiloah zeirello in maw na um? Moses nih cun, “Kan nunnak hi zeitluk in dah a tawi ti kha kan hngalhter law cuticun kan fim deuh lai,” tiah a ti (Salm 90:12).

Na nun rih caah Bawipa sinah lawmhbia na chim tawn maw? Asiloah na nunnak hi zeirello in dah na hman tawn? Zeizong vialte lakah a sung bikmi na nunnak hi zeirello in um lai cih mu! Don’t take it for granted! Credit: Rev. Biak Lian Vel

Thantlang khua mipi caah innka kau pi kan on peng ko mu: By : Sung Sung, Than tlang khua chung ah tar nu tar pa hna le nu nau rual pasal le hna le fanu fa pa hna nih CDF chungah nunnak pek in riantuan tak mi nulepa le nu nausem ngei hna khua te lei ah i dor chung a duh ve ko na in dor nak ngeilo mi hna kan um sual maw saisih chuak Bung tlang khua ah kan run inn nih an hngah ko hna. nan caah kut ka kaupi in a awng zungzal ko mu.

May be an image of cloud and mountain

zeitik ni caan paoh ah chunah maw, zing ah maw, zaan zongah inn ka awnh nan si. kan run in chung i a um mi bel kheng hna le ih phah puan vorh ei din awk a um chun mi dih lak hi nan ca zong a si ve. Hrilhfiah: Bungtlang khua hi thantlang peng mizo ram le kawlram ramri pangkhua phak hlan i a um mi khua pakhat a si. Note: mah hi a mah sungsung hnatlaknak in tar mi a si.

Thantlang khua chung ah bomb thawng 6,7 le meithal aw voi 5 hrawng a thang. Thantlang mipi caah thlacam bawm cio hna usih. 9:05pm. Credit: Thantlang Times. Relchap Nihin, Thantlang khuachung ah CDF le ralhrang kahdohnak ah ralhrang lei nih mipi zawnruahnak a pelte hmanh um lo in duhpoh in hriamnam an hman caah mipi lei in hliamtuar mi pali an um lawng si lo in bomb ruang ah inn pakhat zong a kangh chih. Cu lawng si lo in inn zeimawzat a rawk mi a um.

Nihin thil cang a tuar mi vialte hna, dothleng mino nih kan in tuarpi tuk ve hna. Kan lung a tha hrimhrim lo. Aho cio zong nih thlacamnak in bawm cio hna usih! Atulio ralhrang rallokap cawlcanghnak chiahru le ral boruak ruang ah kan bochan mi CDF nih hrial awk tha lo in an kah ve mi hna a si caah hi boruak a siamtu ralhrang hi ahohmanh nih lung tthul lo in doti rih ko hna usih! Hliamhma tuar mi vialte Bawipa nih dam tuannak in pe hram hna seh! Inn lo kangh-uh a tong mi chungkhar Bawipa nih in hnem hna sehlaw nan tuarnak in theihpi ko hna seh! Bawipa nih thawnnak kan pe cio ko seh! TRC

Leave a Reply

Your email address will not be published. Required fields are marked *