Pu Tum Bik biachim cu ka lungtling lo ngai. Than Shwe le Kawl ralkap bawi pawl chungkhat cingla rualchan hna a si hnga maw ti hna ka ruat. Khuapi khuabawi ttuan ding ah a tlak lo, a biachim dan le a muisam hrim khi. COVID zawtnak a ttih lo aho hmanh kan um lo. COVID kongah Mizoram an felning le mithi ruak an fimtawl ning hna khi hei zoh ve te seh. COVID kongah biachahnak na tuahpi mi hna hrim hi a ngah lo. Khuate khuabawi ca hmanh ah a tlak lo ka ti. A biachim dan khi uktu ttha lo ralbawi hna a lo. Khuabawi ttuannak in rak i din cang seh. Byebye Tum Bik. A chungle nan umsual le a ruahzia kathiam uh, dawtnak he. By Van Tum

Image may contain: 1 person, text

Khuabawi Pu Tum Bik nih Mai Sui Hlei Ṭial ruak luhpi a duhlonak le a pu le kawi bawi soisel a duh lo nak kong The Hakha Times ah a chim. Atang cem ah bia a chim nak video kan in chiah piak hna.Ca dang rel ding: Thih ṭian maw a fak deuh,Nun ṭian ko hen tiin, Sunghno nu le khuami, Chungkhar unau le hawikom, Miphun tiangin nawl har ai, Ngunsawm zongza ui lo te’n, Dawtmi nu hniang Mithmai fang kha, Hmu kho cang lai. Lungdi riam in ṭah kan ser lai Lungdi riam in biaro vuih lai Lungdi riam in zitmuai ta lai Tiin chunmang vialte, Khur ah phum dih hna maw Zawnruat kho lo hruaitu hna Pulral zong hul lo Har zong tuak lo.

An chim Malaysia in Semnak khua zung na panh, Na nun lio ah na sunlawi bang, Thaw na ngeih lo tiang, A sung khunmi fanu Ui vui le ar vui in vui hna Minung cu saram nakin Let thong tam tuk kan sunglawi si. Kan thaw a dih hnu tiang, A liam lungsia herh lai A thlarau lungfak ve ko lai. Thantlang hruaitu nih An ka daw lo a ti hnga maw Na rak phurhmi thluachuah Khur ah naa luhpi chih ai. Dear Suisui aw Na liam lungsia herh ve ṭheo lai Miphun dang le mi ramdang ah Fak khun na tuar i Na semnak ram tiang Na ram a si lomi Malaysia hmanh nih Chungkhar zawn a ruah ko Na chuah semnak, khua dah ngai, Zei thiam le zei hngalh an hngalh Thantlang khua chung Vok pulral a tlun hmanh ah, Siarem tein an vui hna kha.

Saram fa hmanh Rem tein liam hna Lei dai tangah Chungkhar u nau le lungfak in Biaro an vuih ri si Na semnak Thantlang ah Na tuanbia tel nih Fim chim hram hna seh Thantlang hruaitu le khua nu khua pa. Nusung Hrangtlung 07/10/2020. Khuabawi Pu Tum Bik nih Mai Sui Hlei Ṭial ruak luhpi a duhlonak le a pu le kawi bawi soisel a duh lo nak kong a chimnak cu a tang lei ah video kan in chiah piak hna. Credit; Chin Cable Network Channel.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha