Thantlang Khua Inn Kang Mi Zat Le A Thi Mi Le, Ai Hliam Mi Zat

Thantlang Khua Inn Kang Mi Zat Le A Thi Mi Le, Ai Hliam Mi Zat

Thantlang Khua Inn Kang Mi Zat le A Thi Mi le, Ai hliam mi zat. Ralkap nih uknak a lak , Feb 1 ,2021 ni in , 2.11.2021 nitiang ah Thantlang Khuachung Inn an kan kangh piak mi le Khuami ,Mipi(Civil) an kan kah i , a thi mi zat le hliam hma a pu mi zat.. Inn Kang mi ,,1. Sep ,9 ah inn -1, 2. Sep,18 ah inn – 19, 3. Oct ,29 ah inn – 164 Total inn kang mi -184 an si.

Mipi Chungin a thi mi hna ,,, 1. Pu Hram Cung – 59 (29 . 9. 2021 ) 2. Pu Ral Tu -77 (29.9.2021) 3. Pa Uk Lian Kam -14 (28.8.2021) 4. Pu Hlei Bik -45 (28.8.2021) 5. Pa Van Bawi Thang -10 (25 . 8.2021) 6. Pastor Cung Biak Hum- 32 (18.9.2021) 7. Pu Van Za Ceu – 25 (12.9 2021),

Pu Van Za Ceu hi A thih le thih lo hi fehter cu asi lo na in a thi le a ruak an hloh lai ti in kan ruah nihin tiang a thawng kan thei thai ti lo . Thantlang Khua in Mipi(Civil) Hliam hma pu mi ,minung 20 leng an si cang. Credit: Ram Khar

Mukoh(မိုးကုတ္) ah lei a min pakhat nunnak liam,pakhat hliam: Mandalay ramthen,Mukoh ah inn pakhat cu October 2 zinglei ah voihnih khengte lei a min i,nu pakhat a nunnak liam,pa pakhat hliam atuar. Credit: Mizzma

Hakha Lamtonnak ah Min Aung Hlaing naule nih mi an chek, pakhat an kah nain an khenglo: Nihin November 2 zingka in atu 12:45 PM tiang Hakha Lamtonnak le Sanpiah Sawng (Ahlan Kyaw hmai) ah MAH naule palek le ralkap nih mi an chek cuahmah tiah kan theih. “Motorcycle in aa chok mi kha an dirter hna i an chek hna. Pakhatpa cu a dir duhlo i a tlichih. Meithal zuun khat in 12:35 PM hrawng ah khan an kah nain an kheng rua lo. Khika hmun hrawng umkal i ralring cio u,” tiah khuami pakhat nih The Hakha Times ah a chim. THT

May be an image of sky, road, tree and street

Hakha ah Ralhrang nih Outpass card (Covid-19 zawtnak he pehtlai in lengchuah khawhnak hngawng oih) an check. Cucu an thluak a si ti a lang. – Mizapi ngandamnak caah rian kan tuan, – Biaknak le zatlang upa thiltuah mi kan pom, kan bawmh hna timi le – Anmah kha legitimacy ngeih khawhnak dingin cawlcangh le cozah nih a tuahding mi a rian (State duty) kan tuah ko timi kha langhter le mizapi thinlungah luhter an duh caah a si. Hibantuk tete ah kan nulepa nih nan hna zawng in nan cawlcangh ve lo a biapi taktak. Mino nih cun kan ifiang ngai ko hih. Credit: Salai Aung

Kan dawt in kan upatmi Bishop Lawm Bik te chungkhar cu damnak an hmuh cang i, campus ah him tein an um cang. Kanpalet in Yangon tiang him tein Pathian nih a phakter hna, Taungzalat center ah dawtu siibawi le volunteers hna nih an kan zoh khenpiak. Oxygen dawp hau tiang dirhmun in damnak kan hmuh caah thlacam hawi nan dih lak cungah kan i lawm. 2 November 2021 Tuesday 11am. Credit: Thawng Tha Thang

 

𝐍𝐞𝐫𝐨 𝐍𝐢𝐡 𝐑𝐨𝐦𝐞 𝐊𝐡𝐮𝐚 𝐀 𝐊𝐡𝐚𝐧𝐠𝐡-𝟏 By Church Pastor, 𝐈𝐁𝐂 Nero siangpahrang pa hi a sual ngaingaimi siangpahrang a si. Hlasak thiam awttha, tingtang tum thiam, hlaphuah thiam si khawh kha a duh ngaingai ve i a mitthi lalang pawl le a tlangchuak pawl kha an duh zong duh lo zong ah hla a sak piak hna, tingtang a tum piak hna. An lungchung in cun an simh tuk ko nain siangpahrang cu zapei bengh piak, fak le hlawrh kha a herh fawn i an hmurka le kut te cun an conglawmh cio. Asinain Nero cu an faknak kha a di a riam kho lo. Ka hlaphuahmi hmual a ngeih khawh naklai zeidah ka tuah, ka hmuh, ka khaan-sa (feel) khawhmi a um hnga ti kha a ruat.

Lungthincheutu a mifim hna nih, thil pakhat khat kha a sining taktak in na hmuh, na theih ahcun na hlaphuah hmual a ngei kho deuh lai an ti. Cucu aa lun i hmunton ding in zei thil dah ka sersiam lai ti kha a ruat. Rome khua, misifak pawl umnak sang le veng khi ka khangh lai, mizapi mei alh le mei khu lak i an tlik an leek, an au an khuan, an kio an raaknak aw kha ka theih ka hmuh lai i cu lio ahcun hmual a ngei kho dingmi hla ka phuah lai tiah a ruah i cucu a tlangchuak mifim bawi pawl cu a chimh hna i a timhpi hna.

Rome khuapi chungtel sang pakhat, sifak pawl umnak cu mei in a duah, kutka ngan pipi cu a kharkanh dih hna. Cu sang le veng i a ummi minung vialte cu mei alh lakah an i erhkhumh. An raak an kio, an thinphan in an tlik-leek lio ah Nero nih cun a siangpahrang inn, cungdot in a cuanh hna i hla cu a phuah, a tingtang cu aa laak i hla cu lungzur ngai in a phuah, ti a si.

No photo description available.

𝐍𝐞𝐫𝐨 𝐍𝐢𝐡 𝐑𝐨𝐦𝐞 𝐀 𝐊𝐡𝐚𝐧𝐠𝐡- By Rev. Dr Lal Pek Lian Nero siangpahrang nih diriam ngai in hla cu aw-thawng cercur pipi phunkip lakah a phuah. A tingtang cu a tum. Mizapi an thih cuahmah lio ah hlawptlo ngai in a um kho. A pawng i a dir vemi, a hlaphuah a ngaimi cheukhat hna tu cu khattelei an hoih i an hmur an i iap. Nero aw-rau, a thang ngai ttung i aw chia ngai theih peng cu a simh tuk hna. Asinain, lungtho lo ngai pi khin, na hla a ttha tuk, na aw zong a ttha tuk, tiah an hei fak piak. Rome khua mei in ka duah i sifakmi tampi an thih, an raak an kio, an tlik an leek len ko mi nih hin zei dek a hun chuahpi khawh ve ti kha a pelpawi te hmanh a ruat lo. Minung ngai hi aw!

Asinain a ralbawi ngan pakhat nih ngaknu a uar ngaimi a um i cu a ngaknu cu sifak pawl umnak sang le veng ah khua a sa vemi a si. A ngaknu mei lak i paam lai cu a sian lo caah a ralkap zeimaw zat he chanhchuah ding ah mei kanghnak leiah cun a tli tein an kal. Kutka ngan pipi an hrenh i ralkap nih an conghmi cu nawl a pek hna i kutka cu a hunter hna. Thih a ttihmi mirunpi cu an thinhan lung in Nero siangpahrang pa inn lei ah an rak le lulhmalh hna.

Nero, zeiruangah dah mei in na kan khangh? Rome le siangpahrang cungah zei sualnak dah kan tuah i? Mibupi cu thinhun bu in an au pah, luklak ah siangpahrang inn tualpi cu an hun khat ko. An thinhunnak aw le au thawng cu van tiang a tlirh. A tingtang tum le hlasak cu rite thi bang a dai tthup ko. A lau tuk i a ar ko, zei tuah awk a hngal lo, aa zizang. Mei-alh cu ttha tuk kaw, a mit kho nai sai rih lo. Ai kio thawng cu a leng rih ko.

May be an image of 2 people

𝐍𝐞𝐫𝐨 𝐍𝐢𝐡 𝐑𝐨𝐦𝐞 𝐀 𝐊𝐡𝐚𝐧𝐠𝐡- Rev Dr Lal Pek Lian Nero siangpahrang pa cu a lau lung in a ralbawi ngan bik pa cu a auh i “nangmah nih mizapi cu keimah nih Rome khua cu ka khanghmi a si,” tiah chimh a fial. Ralbawi pa nih, maw siangpahrang pa, keimah chimmi cu hi mibupi nih hin an zum lai lo, tiah a leh. A mifim pa kha a hei fuh i, nang cu ka cungah zumhawktlak na si zungzal, “keimah nih ka khanghmi a si,” tiah ka chimh piak ko tiah a fial. Mifim pa zong nih cun hi mibupi nih hin ka bia cu zei ah an rel lai lo, tiah a leh ve. Tu naite i tingtang aa tum i aw thangpi in hla a sami Nero cu a lungretheih in a thlanfim a chuak, a thin a phang. Hmuntonmi taktak cu a hun ngei ko nain hla tu cu a phuah kho ti lo ai!

Hi lio ah a pawng i a dir vemi a nupi, siangpahrang nu nih “Ka dawtmi ka tta aw, na thinphang hlah, keimah nih hi mibupi hna ral chungin kan luatter lai,” tiah a hna hram te ah biathli a chimh. Rome khuami hna cu “khrihfami nih pei Rome khua cu mei in an khanghmi a si ko cu, tiah na ti lai,” ti in lungthin a cheuh. Nero nih mibupi cu khrihfa paohpaoh kan tlaih dih hna lai i teirul kan cham piak hna lai tiah bia a leh hna i a hnemh hna. Cuticun mibupi cu an thinhunnak kha khrihfami hna cungah a hun i tthial.

Siangpahrang nu nih Nero kha khrihfami nih Rome khua cu an khangh tiah chimh a fial lio ah Nero nih khrihfami cu aho an si hmanh a hngal lo. A sual lomi an si kha a hngal ko nain amah a luat khawhnak ding ahcun a nupi ruahnak cheuhmi cu a rak lak i a tuah colh ko. Thianchehnak a kawlnak ah a hlaphuah cu a philh diam ai! Tukforhnak rap ah fak chinchin in a hun i foih.

No photo description available.

𝐍𝐞𝐫𝐨 𝐍𝐢𝐡 𝐑𝐨𝐦𝐞 𝐀 𝐊𝐡𝐚𝐧𝐠𝐡- Siangpahrang nu nih khrihfa a huatnak hna aruang cu a thli tein a rak uarmi ralbawipa nih khrihfa ngaknu a duhmi ruangah a si. Nero nih a uar i a bochan tukimi, mithmiattha a pekmi ralbawipa kha siangpahrang nu nih a thli tein a duh, a lemsoi lengmang. Asinain khrihfa ah aa thlengmi Rome minu ngaknu dawh cu ralbawipa nih a uar tikah siangpahrang nu nih a nahchuah. A uarmi ralbawipa teirul cham khawh nakding caah Nero cu khrihfami nih Rome khua an khangh timi in bia a tuah. Cuticun Rome khualipi cu mei lak ah zeimaw zat a ciamh pin ah sualnak zeihmanh a ngei lomi khrihfa hna cu tlaih hram an thok hna.

Ralbawipa nih a dawtmi a ngaknu le sifakmi mibupi cu mei ral in a luatter ko hna. Asinain hi an luatnak cu caan tawite lawng a nguh, chikkhat te lawng a si. Mibupi cu Nero nih a hlen khawh hna i cuticun Nero thianchehnak le a nupi teirul chamnak caah khrihfami cu kawl le tlaih an si. Sualnak a ngei lomi, Rome cozah zong zei hnahnawhnak hmanh a pe bal lomi hna cu fakpi in hrem hram an thok hna.

Khrihfami nih Jesuh Khrih lawnglawng “Bawipa” a si tiah an zumhnak an phuanmi a si caah Nero cu bawipa an ti kho ve lo i an tlaih hna i thongah an thlak ko hna. Mibupi le Rome ralkap i bawm in khrihfami cu innkil sapang le lungkua i aa thupmi hna tiang in kan dothlat khawh hna i an tlaih khawh hna. Hremnak cu a fak ko, khuaci mui a si. Khrihfami a cheu cu chiti in an kio hna, tung ah an ttem chih hna i mei in a khangh hna, cuticun a cheu cu vailam ah an tah hna. By Rev Dr Lal Pek Lian

Leave a Reply

Your email address will not be published. Required fields are marked *