Pangpar Kan Siang Ti Lo; Kan Thantlang khua ah MFOC Ngaktah chungkhar nih,a ho paoh hman i thlaknak, video i thlaknak le nuam tein tlonleennak ah tiin NEW EDEN PARK ti min bunh in pangpar dum kan tuah mi cu a duhmi paoh nih kumpi kum 27 chung tlonleennak ah hman a si cang.


Zeibantuk puai tuahnak kip ah Pangpar nan kan hal tik ah man lo tein kan i peek dih hna. Asi nain Pangpar tawh(laak) tik ah duhning paoh in laak le a nge khiah a hmangmi nan tam cang caah, Pangpar a man loin kan siang ti lo. Credit: Jno Mang

Thawngpang Dang relchap ding<< US president thimnak kongah a biachim mi a dik lengmang mi ah minthang pakhat a simi Allan Lichman nih 2020 US thimnak ah Joe Biden nih Donald Trump a tei lai tiah a zumhnak kong MSBC interview ah a chim. Allan Lichman nih US president thimnak 1984 kum thawk in kum 2020 thiang a chim chungmi vialte a hman dih ngawt an ti. Bush le Al Gore dah ti lo a palhmi a um lo ti a si. 2016 US thimnak zongah President Donald Trump nih a tei lai tiah a chim chung i tei taktak. 2020 ah President Donald Trump a sunghter tu cu Coronavirus le George Floyed thihnak ruangah a si lai tiah a chim. Allan Lichman cu American university ah Historian professor a tua liomi a si.

US Rian Ngei Lo le Coronavirus Thimi, US ah coronavirus ruangah rian ngei lomi minung 55 million kan phan. Kan hnuzarh chungah unemployment benefit a sawkmi minung 1.2 million a si. Virus ruangah a thimi 161,679 an si. Texas, Alaska, Montana, Michigan, Ohio, Virginia, South Dakota le West Virginia ah tlawmpal a karh than an ti.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha