Agenda bantuk in pa(5) ka van chuahpi ve phot. Saya Kep (Chin Thang) le adangdang nih nan ceih kan ruah cia ciomi pawl kha asi ko. Khuakhantinak caah ahmanthlak van cuang deuh seh tiah-

1. Coordination Body: Kan boruak thlakhat leeng hiti hin a durdawm peng ko rih ahcun Thantlang Covid-19 Community hi a khiing a rih tuk te lai caah, atu tein fekfuan deuh in committee rianphawtnak le riatungtlang suaisamnak an neih a hau lai i mipi sinah tha tein a thanh a hau lai. US le Mizoram le adangdang ah Task Force tiin an dirh bantuk khin. Cucu Thantlang khuachung um minung thongriat deng ca lawng si loin khuate um minung 50,000 leng hna I an kutka kan si caah coordination/collaboration a tuahtu a si te lai caah.

2. Lockdown & Action Plan: Hmunkip ah lockdown tuah an timh cuahmah caah Thantlang zong hauka khar le inn-erhkhumh kha order hauh te dawh si. Cu tik ahcun cozah capacity lawngin a ngah ti lo. Delhi bantuk in buainak a chuah lo ding a biapi. Saya Kep chim bang sang le veng cio zongin sub-comiittee phun dirh a hau lai– atu tein. Lockdown order hnu i kan tuah ahcun a herhmi khuakhantinak can le training tuah caan a um lai lo caah a buai kho. Hauka khar ning, lengchuakmi (pa 2 cung, or pa 5 cung izulh/pumh lo ding) khamning le azizutning tepawl kha training ipek a hau. Fung hna iken hau men lai cuh. Cun uniform tibantuk PPEs caah timhlamh cia a hau lai.

3. Free Home Delivery Service: Hauka khar le inn-erhkhumh order hun chuak sehlaw zualral le zingzan herhpoi (duhherh silo) thil cawk le lak duh tikah mipi harnak an ton lai caah cucu mino buu (TYA) nih zanghleicawi thilchanhnak (Volunteer Delivery) kha an tuah ah a tha lai. Annih kha PPE serh an si lai caah a him deuh ving hnga. Cucu Mandalay, Bakuku tepawl zong an tuah len cang an ti. Tahchunhnak ah TYA nih Hotline (Phone, Massenger in) tuah hna sehlaw mahkhan pehtlaih khawh cio dingin.

4. Food Supply: Hi zawn ah phun hnih a um hnga— eidin(facang) phurhtlunhning le harzual pawl ei zalhpining tiin. Facang cawk ding a donghcah lonak ding khacu cozah rian ah hei chia ko rih usih. A cawkning le phawt ning tu ahcun mipi telmi committee nih khuakhanpi a hau. A biapi bik cu a harsami pawl rawltam in an um hrimhrim lo ding le a neinung nih an I cawk/khon luaimai lonak ding le phawtzamh tikah eihmuar le duhdanh a um lonak ding kha a si. Atu te in Committee nih Thantlang khuachung ah harsa deuhmi cazin nei sehlaw a tha. US le ramtha ah an tuah bantuk in “thlakhat chung ei ding kai neih lo, bawmh ka hau ko” atimi chungkhat mincazin rak kan pe uh tiah thanh zong a tha lai tiah ka ruat. Sang committee cio zong nih lak khawh si ko lai.

5. Quarantine/Isolation inn: Lungrumhmi pawl le khual(ramdang/Kalay/Kawlrawn) rami pawl inn-erhkhumh kan tuahning hi lung a tling ruam lo hih. Inn khat ah Pa Thawng timi US in a rak tlung hnga, amah lawng kha inn-erhkhumh kan tuah kan ti le a umnak chungkhar he duhtawk in an i tawngtlai-eidingtti kho fawn, cuhna pawl cu le, duhtawk in leng an chuak kho fawn i cucu sullam a um ti lo. An innchung dihlak in erh a hau, asiloah amah kha inn dang te ah chiah a hau. Ihne ko hna usih.

S.Korea le Germany cu an fel tuk caah an ram mithi/mizaw an tlawm. Kannih zong kan daithlan le kan ittanrual lo ahcun thihloh/zawtfah a tam kho i kan irengh/ralrin ahcun kan him deuh ko lai. Kan tei ko lai!

Credit: Salai Ceu Bik Thawng

By Chuncha