Thantlang CNLD Dictator Nih Salai Ceu Bik Thawng Cu Chanchung MP Icuh Ti Lo Dingin A Phuah..Ti Si Meih Ko! Kan Lungput Cu. Vei Bia Van Ihlan Cun, Zawngkeng Pa, Nangmah Tu Kha Ramkhel Vawlei In Chuak, Laimi Kan Mui Na Chiatter Dih Te Lai Hih, Ti Awkte Khi Si. Chanchung Phuah Rero Cu, CNLD Cu Anmah Chungkhar Ta A Rak Si Ziar Sual Ko Rua Hih. Ngaihchia Ngai Kan Si Ko. 

Maw ka thin te, hi bantuk Party nih hin maw Chinmi cu a kil ven lai kan ti hna. atu te hmanh in mah le mah kan I seh cang ahcun lutlai dirhmun cio cu pek hna uhsihlaw Chinmi na kan mawlhter hna lai lo maw?. Lal Maung Cung cu MP i cuh ding in a hlaan kan in timh le hmun pek cia a rak si cang nain Salai Ceu Bik Thawng nih hmun lawng dang a ummi ah lut duh loin Lal Maung Cung a cuh caah party chung lung i hmuh lonak le mipi vuivainak a rak chuak.

Nihin July 13. 2020 thawk in Salai Ceu Bik Thawng cu Thantlang peng CNLD chungtel sinak in chuah a si cang tiah thawng an thanh mi kan rak hmuh cu kan lau ngaingai ko. An chuahnak ruang an ttialmi ah Salai Ceu Bik Thawng nih Thantlang CNLD cu an zungpi ah report a tuah timi an telh,

Cu ruang ah CNLD nih Lal Maung Cung le Thantlang CNLD Secretary pa cu CNLD chungtel sinak in an dinhter ve hna. Cuti a si bu ah Thantlang CNLD nih zeitikhmanh ah Thantlang peng CNLD ah Salai Ceu Bik Thawng cu MP i cuhnak nawl a pe ti lo.

Salai Ceu Bik Thawng hi MP cuh a duhnak hmun ah Lal Maung Cung nih a kianh khawh lomi kong Chin Media pawl nih intervio an tuah i voi khat te hmanh Lal Maung Cung dirkamh (endorse) a tuahnak a lang lo. Cun Thantlang CNLD cu an party Bahu ah report a rak tuah fawn.

Photo: LMC/ CNLD Statement

By Chuncha