Nu le pa, hawikom hna:Ral ruang ah har a tuar i ralzaam dirhmun in a um mi Paletwa kan unau hna chung in Vitaman a chambau mi kan naule ngakchia ca ah tiin June 8-10 tiang kanmah hawikom rual nih nan sin ah tlawm kan rak suk mi cu a zapi tein Ks. 3,159,500 a si. Hi tangka cu bawmhnak tawlreltu Bu pakhat a si mi CCERR, Halkha zung ah pek a si i anmah zung nih a hmun phaknak tiang tuanvo an kan lakpiak.Hartuar kan naule zawnruahnak he kut a samhtu nu le pa le kan hawile nan dihlak cung ah kan i lawm tuk.lawmsuknak ah a kan bawmtu kan hawile le bawmhnak tuanvo a kan lakpiaktu CCERR, Halkha zung cung zong ah kan i lawm tuk.Pathian nih thluachuah in pe chin hna seh!Credit:Thangtlang Thawngpang.

 

Thawngpang dang<<Hpakant vawlei cimhnak ruang ah hi mi ruak 100 leng an hmuh cuahmah lio.

Kachin ram, Hpakant peng, Gwi Hka khua ah July 2 zing nazi 8 hrawng ah a cang mi vawlei cawhcia ponnak hmun a cim ruang ah cuka hmun pawl ah lungkawltu minung 200 leng an pam i chun nazi 12:30 tiang hrawng ah ruak 100 leng an cher kho cang tiah kawlhawl le bawmhnak rianṭuan tu pakhat asi mi U San Thu nih a chim. A mah nih cun “khor chung ah aum mi hi 200 leng hrawng an si lai. An zapi in thih dawh an si. Atu kan hmuh kho tawk zong an zapi in an ruak kan cher kho hna” tiah ati.

Atu vawlei cimhnak hmun cu Hpakant peng, Seik Mu khau komh, Gwi Hka khua Lakhu Chaung sang um Tah Thone Lone, Yadanar Kyae, Kyautmyat Shwe Kyi, Yadanar San Shwin le Ayeyar Yadanar company pawl fonh in rak ṭuan mi rianhmun hlun asi, ruah a sur ruang ah cawhcia vawlei ponnak tlang cu a cim i khal lio lung kawltu minung 200 leng cu nawncek lak ah a phum dih hna mi asi tiah Hpakan Fire Service Department sinin theih asi.

Cu vawlei cawhcia ponnak hmun khor cu Pe 800 leng a thuk i cu pawngkam ah lung kawl tu zapi hi 700 in 800 kar an si tiah theih asi. Hpakan peng kulh, Amyothar Hluttaw chungtel U Khin Maung Myint nih cun “a bik in acre 50/100 tiin vawlei cawh asi peng ruang ah asi. Myanmar James Stone Law thar cu aum cang ko nain Rule a chuak kho rih lo tik ah phungning in uknak tuah kho asi rih lo. Cu pawl a hun chuah dih hnu lawng ah ṭha tein tawlrel kho asi lai” tiah ati.

Furpi ah hin Hpakant hrawng cu atu le atu vawlei cimhnak aum lengmang ruang ah minung zaleng hi kum fatin an nunnak a liam peng i cozah lei nih hmunkhat fonh ṭuanṭinak nawl a hun pekchap mi ruang zong ah atu bantuk thil a chuak mi asi tiah U Khin Maung Myint nih cun a chim chap.

Atu tiang ah a taang rih mi ruak pawl cu Hpakant Fire Service Department in ṭuanvo ngeitu pawl vialte le a dang bu pawl he tiah hmunkhat ah i bawm in an kawl cuahmah lio hna asi. June thla dih lai zong ah khan Hpakant, Seik Mu khua komh, Sapot khua le Bomnang khua kar um pe 300 hrawng a sang mi cawhcia vawlei ponnak tlang a rak cim i a thi a lo mi an rak um len cang.

Photo credit: BBC & unknown

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha