Thailand chaklei Kawlram minung a hlawhfa mi tam pi cu rian ngei lo ruangah harsatnak le lungre theih ngai an tong tiah theih asi. Mah hna pawl hi Covid-19 zawtnak ruangah a cozah nih an um nak ram mi tampi um khawh lo a si nak an khapnak le factory-in raw material tlakchamnak le thil ser chuak pawl an I din ruangah hi harsatnak an tongmi asi. Hmun cheukhat labang ahcun ei ding hmanh an ngei hna lo i zangfahnak a ngei mi pawl nih an tanpi hna tiah theih an si.


Mi tampi cu Kawlram leiah tlung an duh hringhran, March thla hram thok in tlung an duh cio nain Kawlram nih Tailand ramri cu an khar caah tlung khawh lo in thlakhat chung an tang i, May thlaah an vung hawn khan Thailand leiin Emergency an tanpi hna caah cheukhat caah a rak tha nain cheukhat caah cun tlung a har ngai ve.

May thla ahkhan hmundang caah kawl zong an siangh ko nain anmah Thailand um mi ca long a rak si i. Myanmar le ram dang mi hna caah a rak tel lo ti a si. Mah tein taxi a hlanmi pawl hna cu an kal ko nain lampi ah an tlaih thiamthiam hna tiah langter a si.

Credit: VOA Burmese.

By Chuncha