Tukum hi CNLD kum bak asi tiah ka ruah, aruang cu NLD an umtu khuasak ning, kan MP pawl an sining le an eihmur, an inhmun hrawhning, an inhmun zuar ning te hna hi mipi kan lung a fiang tuk cang lai ka zumh. CNLD hi mee pek lo awk kan tha lo. Aruang cu NLD hi mee pek ding ah an tlak lo ti cu kan hmuh cio mi asi. CNLD kan ttanh lo hmanh ah NLD cu pek awk an tha ti lo hi mu. Asikun ah USDP maw mee kan pek kun hnga? ziah kan pek chinchin lai aruang cu sifaakbik ah akan chiatu le akan nehsawh i, Ui le Ar bantuk in akan tuahtu an si. Mirumbik in sifakbik ah, a thangcho mi ram sinak in thangcholobik ram ah, Tlangcung minung vialte minung ah ruat loin saram bantuk ah a kan chiatu Party cu pee niammam hlah.


Asi kun ah NLD le kan pee ti lo, USDP cu chimhau lo, CNLD lawng a taang cang. Pek lo awk an tha ti lo. Atu lio kan ttih tuk mi NTK (No Than Kap) nih zei dah a tuah khawh lai? a tuah kho niammam lai lo. Aruang cu kan CNLD upa pawl kan zoh tik hna ah, Lairam or Chinmi a daw mi minung lawng te an si. Ngai Sak te hna, Dr Ram Ceu Hnin te hna, cun Rev Tluang Ceu te hna, Salai Ceu Bik te hna le etc te hna cu kan mah minung le Ram le miphun a ttanh bak mi, adaw mi an si hna tik ah, Pu NTK kong ah thing phan ding a um bak lo khi si. Salai Lungthli Tum te hna le micheu nih an phan tuk, a hman tuk mi asi ko, an thin a phan cun Khua le Ram miphun an dawt caah asi. Asina beltein cu anthi phannak cu kapkhat lawng in an ruah caah asi. Kan nih cu lungawttawm lo bak in choi ko hna sih ti hi kaan siaherh hna.
Kai Lawm :By:salai Chin

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha