Avoi khatnak debate cu September 29, a si lai i, Indiana state, University of Notre Dame ah a si lai. Indianpolis um laimi nih cun itel khawh i zuam ding a si. Avoi 2nak debate cu October 15, ah University of Michigan, Ann Arbor khua ah si lai. Avoi 3nak debate cu October 22 ah a si lai i, Nashville khua, Belmont University ah a si lai. Joe Biden hi mi lunglo ngaingai a si caah democrats pawl nih debate ah a chuahsual lai ti an phang ngaingai. Trump le Republican nih cun voi tam deuh debate tuah an duh nain Joe Biden nih cun voi thum hmanh hi a tam deuh tiah a ruah ti a si.

Kan theih bantuk in naite ah Kanye West nih tukum 2020 US thimnak ah president cuh aitimhnak kong a phuan I, mah hnu tlawmpal ah hlasak minthang Taylor Swift zong a fans le hna nih president I cuh ve dingin an sawm colh ve I, amah zongnih a fan pawl hna cu, ‘dairih tuah u, amahnak cun President caah ka tha deuh tak lai’ tiah a rak leh ve hna. Taylor Swift le West hna hi a liamcia kum 2009 lio ah MTV Video Music Award pek lio ah Taylor Swift nih Video of the Year Award a don I, stage cungah lawmhbia a chim lio ah West nih hin a buaihnawh I, a mic chut in Beyoonce nih aitlak deuh ti in a rak soisel hnu ah Swift a career zongnih arak tuar phah I, award peknak dangdang tiang zongah a hnursuan phah.

Caan a van kal deuh hnu ah an I chawn tha deuh nain kum 2016 lio ah Kanye West nih Famous timi hla a chuah than I, a music video ah Swift taklawng hmanthlak cu West pawngah ihkhun I a ihlio a langhter I, Taylor Swift cu a thangchiat than, mah ruangah cun Swift cu a lungawi lo ngaingai than. Mah le cangka te cun Kanye nupi Kim Kardashian zongnih Swift le West hna an I chonhnak phone call record cu a van chuah ve than I, an karlak boruak cu a chia chin lengmang. Taylor Swift hi a fan hna nih US President I cuh dingin an duh ngai I, asi nain an ram dan nih a onh loh. US ah hin presidential candidate siding cun kum 35 tal tlin phawt a hau I, Swift hi kum 5 hrawng ai duh rih. Sinain West tu hi cu kum 43 a tling cang ti asi.

Relchap<<Atulio US in George Floyd palik kut in athihnak ruang ah achuak mi buainak nih Europe ram tiang lam zawh aunak achuahter mi hi ahram cu “Minung Covo Dirpinak – Human Rights Support” asinain hi chung ah minung covo kong lawng si ti loin sualnak le firnak nih adawh tuk mi mipi dirhmun vialte kha anoih dih. Racism timi “minung takvun lawh lo ruang i thleidannak” hi afaak taktak mi asi. Kan vulei um ka in minung le minung kar ah thleidannak phunphun arak um peng mi asi. Aug 31 – Sept 8, 2001 kar South Africa ram Durban khua ah an rak tuah mi UN Conference nih Racism hi vulei pumpi nih doh ding minung thleidan nak asi tiah fehternak an tuah. US ram ummi minak (Black) lawng nih tuar mi asi lo, US ram ngeitu Red Indian, Hispanic, Asians, Arabians, Jews timi miphun kip nih tuarmi asi. US lawng zong miphun thleidan hmang an si ve fawn lo. Kan mah Asia ram chung hmanh ah Chinese nih Myanmar an neek deuh i Myanmar hmanh ah Kawl nih Lai an kan neek deuh ve ti khin vulei pumpi ah aummi miphun thleidannak asi.

Tutan US buainak hi US ah cun Politics khelnak caah laam an sialmi cu asi hrimhrim fawn tiah ruah chih khawh asi. November thimnak ah hin Joe Biden nih Donald Trump hi ka tei hrim hrim te lai i cu tikah Trump nih Thimnak (Election) adik lo ati te lai, cun White House in achuak duh te lai lo i US ralkap nih innchung in va chuah tiang dirhmun kan phan kho cang tiah achim mi CBS News nih avun țialmi tuak tikah Biden vs Trump politics raldonak hi aluancia US president thimnak arak um balmi vialte nak in hnahnawh buainak ngan deuh te dawh asi. Adang kong cu nichiar ti awk in TV ah kan hmuh cio ko i Covid-19 tlangrai in avun i fonh chih mi tulio mipi buainak hi November hrawng ah khin cun tlangrai zong an zual ter khawh țhan te mi asi kho. Mail-in Voting timi cabawm in thimfung thlaak mi kha Covid-19 ruang ah leng chuak loin hman te dawh an si caah caan ala ngai te ding asi. Politics hi cu athurhnomh cang ah cun ahnawm taktak mi asi tikah minung zapi-zaran kan nunnak hi cu an mah pumpak miaknak ah an kan thaap mi (Playing Card) ah an kan hman mi si khawh cio asi.

Donald Trump nih ‘atu bantuk George Floyd kong ah buainak achuak mi inhin millions tamtuk umnak US rampi hi Racist ram ti men ding kan si lo, kan police pawl zong hi țha deuh tu in training pek kan i zuam hna lai’ tiah achim ve. Arizona State in Republican palai asimi Walt Blackman nih cun George Floyd hi miphun caah adirmi hmaisuang ralțha (Hero) asi lo, mi hrokhrawl (Criminal) asi ko tiah achim ve. Floyd cu mi hrokhrawl dirhmun asi ko nain aton mi thilsining tu kha mipi nih an zuanhnawh mi asi. Amah Floyd kha an zuan hnawh mi asi lo ti hi theih ahau. Cucaah tutan buainak nih hin minak hna dirhmun hi zei mawzat ruah piak deuhnak avun chuah pi ah cun an mah bantuk in takvun i dannak ruang ah thleidannak a ingmi mipeem tampi caah thil țha achuak kho mi asi. Tulio ah cun ” Black Lives Matter” timi Minak hna nunnak hi ruah piak ahau mi asi tiah an au bantuk in minung vial nunnak hi ruang tein pompiak caan aphan cang (All Human Race Lives Matter) ti ding khi asi. “United Against Racism” Miphun thleidannak cu mi vialte nih doh ding asi. Credit .Vk

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

 

 

By Chuncha