Suu Kyi telh in a hohmanh nih an ti khawh lomi Kawl ralkap uknak le 2008 phunghram pi cu Dr SaSa nih Vawlei pi theih in a hram in bawngh dih a timh cang. Mi cheu nih Dr SaSa dah ngai a vun dai ngai an ti. An mawh lo a tuahmi an theih lo caah si.Siloah Kawlram UN palai Dr SaSa nih zeidah a tuah?

May be an image of 3 people and text

A tuahmi tampi lakah a biapi bik simi cu Kawl ralkap pawl ICJ le ICC ah taza a cuai hna. Hihi zapi nih tuah khawh lomi a si. Ram pakhat ca hmanh ah a fawi lo. Phaisa $ millions tampi a dih. Cucu atu hi a buaipi i a bia zong an cohlan piak tiah theih a si.

May be an image of one or more people, people standing and outdoors

Zeitik ah dah misual kawl ralkap pawl hi Khungzung ah auh an si te lai timi a caan tuk lawng a duh cang. An luat lai lo. Cun a pahnihnak Dr Sa Sa nih a tuah rihmi cu R2P a si. Cucu zei a si ti si cun UN ralkap a auh hna. UN ralkap hi ram pakhat a buai menmen ruang ah duh poh in auh le sawm khawhmi an si lo. Anmah nih ri an khiahmi a um i cu rikhiah an ngeihmi he aa tlak hnu lawng ah a buaimi ram ah an lut kho.

R2P ti cu ‘Responsible to Protect’ ti a si i a buaimi ram pawl va remh le va kilven khi chim duhmi a si. Hi rian a tlamtlinnak dingah UN nih special ralkap a ngeih ve. Cu R2P UN ralkap an luh khawhnak ding ah cun miphun ci hloh thah nawnnak a um hau siloah ralkap hriamtlai nih ning cang loin rammi thah le hremnak an tuah hau, Cun minung covo zei rel lo pawl an um hau.

Cu an ngeihmi cu tutan Kawlram buainak ah ralkap nih an tuah. Ning cang loin mipi an thah hna an tleih cia mi zong meithal in an kah hna.  Hi thil hna hi Dr Sa Sa nih cherhchan in cathluan a tial i UN ah a pek hna. UN ralkap a hal hna. Cu a halmi hna cu UN nih an cohlan ti si cang. Kawlram chung UN ralkap an luh khawhnak hnga mipi lei lungtlin nak lawng hauh dawh si cang.

R2P a hlawhtlin si cun Dr SaSa nih kawl ralkap cu Vawlei pi hmuh ah vangkhen in tengh dawh a si cang. Kum 60 chung an i hruh pimi 2008 phunghram pi kum 15 chung Than Swe nih a sermi zong a um ti lo tu hi.Zei ti len hmanh in ralkap luatnak lam a um ti lo. An lam a pit. Meithal te an i put sawhsawh i si cang.Credit:Tluang Ceu Thang

Relchih: UN Sectretary general, António Guterres cabuai cung ah cakuat pahnih a phan. Pakhat cu Ambassador Kyaw Moe Tun sin in a si. Kyaw Moe Tun cu President Win Myint le Foreign Minister Aung San Suu Kyi nih Sept. 4, 2020 ah UN ambassador caah an rak thimmi, a si bantuk in, keimah hi Kawlram ambassador ka si peng rih ko i, ka peh rih ko lai tiah ca a kuat.

A pahnihnak cu Min Aung Hlaing aiawh, State Administration Council in a si i, Kawlram ambassador Khyaw Moe Tun cu a rian in dinter a si cang caah, Kawlram Cozah a aiawh kho ti lo. Cucaah, amah dirhmun ah Myanmar’s deputy U.N. ambassador, Tin Maung Naing kha, Ambassador ah kan kaiter tiah ca an kuat ve. Asinain Tin Maung Naing nih ka cohlang hna lo tiah a facebook ah a taar colh.

Tulio hi Kawlram ah Cozah pahnih an um lio a si i, UN ah kawlram tthutnak cu ralkap maw an pek hna lai? CRPH dah timi a fiang rih lo. Secretary General cabuai ahcun cakuat pahnih cu an um ko rih. UN members vialte meeting tuah in biakhiah a hau men lai tiah biavaivuan a chuak pah.

Mipi cungah ral a thomi, ralhrang Min Aung hliang/ralkap nih mipi cu an kah hna i, minung 38 an thi cang. Cucaah, UN Security Council ah innkhar ikharkhumh in meeting an tthu tthan colh lai. Zeibantuk biachahnak dah an tuah khawh te hnga?Credit:Zasang Cinzah

By Chuncha

Leave a Reply

Your email address will not be published.