Nga cuaikhat an kan pekmi nih sur an kan chuhmi philhter hlah she.Fianternak van tuah hmasa ta ning— kan Chin Media cheukhat le mipi tam nawn nih tutan van lawng a ttummi hi Laitlang ah a voikhatnak a si tiin an tialmi ka hmuh len i hihi a palhmi a si. Paletwa airport ah kum 1970s in 1980s karlak ah kum zeimawzat a vanlawng a rak tum i voi tam a rak ichok len cang ko. Twin Otter timi a hmemi pawl si i Canada chuak a si an ti.

Image may contain: one or more people and people standing

Azeisi hmanh,Surbung Airport kan hun ngeihmi cu lunglawmh lo awk a tha lo. Hi vanlawng bual kan ngeih khawh nakding caah – Rampi cozah he hnatlaknak a kan lakpiaktu CNF siseh, Hluttaw ah biahren a chuah khawhnak ding a kan chimrelpiaktu Chin party MP a simi Pi Za Tlem le Pu Zung Hlei Thang (cu lioah Pu ZHT hi Chin party a rak si rih) an cungah siseh.

Image may contain: Pi Za Tlem, sitting and indoor

Cun, a taktak tiantuan tikah budget a nuar nakhnga lo le atu bantuk in fekfuan le rianrang tein limlawh a si khawh nakhnga tuanvo a kan lakpiaktu NLD cozah in Vice President Pu Van Thio le Pu Lian Luai(CM) hruaimi Chin State cozah an cungah kan lung ai lawm khun.

Image may contain: one or more people and people standing

Khatlei ah kan philh lo ding a simi tucu ,hihi mipi(rampi) phaisa in tuahmi a si. State budget and project a si ko. Myanmar ram ah airport 69 nak a si an ti. Hawi neih ballomi si loin hawi hnu deng i tuahpiakmi a si tinak. Hei chap ko ahcun, aa cit tu ding zong hi a tamdeuh cu Chin kan si lem lailo cuh. Cucaah cozah cungah ilawmh tuk lem awk a si lo. Tuan tein an kan tuahpiak lomi hmanh kha kan thinhan dam rih lo ding khi a si lehlam.

Nga cuai khat an kan pekmi ruangah kan ilawm, kan lung awi i kan sur an kan chuhmi cungah lungfah awk kan philh sual ahcun lohlak vaa kan hrawng sual lai!Miphun manhte khuakhannak/federal kan ngah hlan lo kan lung thi hlah seh! Cite liah luklak men in kan awr-vuai in lungngam hlah seh!

By Chuncha

Leave a Reply

Your email address will not be published.