Kum 2020 Presidential Election cu rel le ngai a nuam tak tak, Biden mual a pho tuk lo nak ruangh bik cu Media pawl nih cover up an tuah lengmang caah a si. Trump nih Biden ceilak in a phomh hoi cang.Joe Biden nih Election ah Trump hi ka tei lai tiah chim a tim i, Election ah Joe Biden ka tei lai tiah a chim mi kha US mipi nih an thei dih cang, mah bantuk in Interview a tuahnak ah Trump min chim a tim i, a philh.

Biden: Trump's view of suburbs is 'not who we are' - POLITICO

Trump nih facebook le Twitter ah Joe Biden cu ceilak in a phomh cang. Trump nih a ttial ning a cun, “Zahan ah Joe Biden nih George tiin a ka au.Ka min a thei ti lo. Interview tuatu ni a bawmh. Lih hmang mi Media pawl hna. Fake News Carte nh Joe Biden mualpho lonak ding caah a thup piak’ tiin a tial. Mah bantuk Trump nih Twiiter le Facebook ah a ttial hnuah, mi tampi nih ceilak in Joe Biden cu an soisel thangchiat i, mah bantuk thil philh hmang mi nih zeitin US ram caah rian a ttuan kho lai.

Fact-checking Biden on '60 Minutes' - CNNPolitics

A thil tuah ding mi pawl a philh lengmang lai. Joe Biden nih US ram a hruai a cun, US cu vawlei cung ramkip hmaiah mualpho in kan um lai tiah Joe Biden cu ceilak in an soisel. Credit- Trump facebook offical,(Joe Biden called me George yesterday. Couldn’t remember my name. Got some help from the anchor to get him through the interview. The Fake News Cartel is working overtime to cover it up!)

Watch Joe Biden's full interview with Craig Melvin

Relchap>> Senate nih Amy Coney Barrett cu an fehter cang. President Trump ca lawngah teinak si loin, Khrihfa ca hrimhrim ah teinak thawngtha a si. Pathian thawnnak hmual a langhnak zong a si fawn. Mah ruangah President Donald Trump kan dirkamh cionak a si. President Donald Trump nih tutan thimnak ah teinak co lo hmanh seh, Supreme Court ahcun khrihfa kan zumhnak a him cang. Pathian a tel ahcun Zei paoh a si kho ko. Khrihfa zumhnak a dirkamhtu President Donald Trump nih teinak a hmuh thannak dingah thlacam cio kan herh rih.

Senate Republicans poised to confirm Amy Coney Barrett to Supreme Court -  ABC News

Tuan i ka tial bantuk in Republican senator 53 an um i, Maine Senator Susan Collins lawng nih duh lonak thimfung a thlak. Democrats 45+2 Independent le Susan collins an dihlak 48 nih duh lonak thimfung an thlak. Pathian thawnnak a langh nak a si. White House ah President Donald Trump nih lawmhnak puai a tuah hnu ah Supreme court Justice caah biakamnak a tuah colh lai.

Supreme Court ah khrihfa zumhnak a dirkamhtu conservative biaceihbawi, minung 6 le zum lotu hna a dirkamhtu liberal biaceihtu minung 3 an si cang, cucaah khrihfa zumtu hna caah kan himnak a si. Hi hnu kum 30 in kum 40 chung cu khrihfa mi kan him rih lai tinak a si. Zum lotu hna le liberal democrats hna nih an dirpi mi nule nu pale pa thit-umhnak, same sex marriage, nau thah, nau hrawh, abortion, nu sinak le pa sinak a thlengmi hna, transgender timi a pommi hna caah cun thawngchia taktak a si ve.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.