Note, Mipi sinah theihthiamnak chim hmasa ka duh, hi bantuk kan tial tikah thawngpang (News) a si lo mi nan tial ti bantuk na kan ruah nak hnga lo thiehthiamnak kan in tuah hmasa hna, zei ruangahdah hi hi kan langter ti ahcun Laimi hlasak thiam chungin kan bochan taktak mi le Pathian nih aw le zai hmang in amah sunpernak caah thluah a kan chuahmi singer pakhat kan ngeihchun a si caah amah upatnak le amah cuaisannak le a chuahni sunglawi kan lawmhpinak kan rak tial hnawh chanmi a si ti khan a kan theithiamnak ding ah kan duhmi a si.

Sarah Van Tin Hnem, Jedy Nu hi Bawipa thluachuah sunglawi fanu pakhat rosung an ngei cang mi cungah kan lawmhpi fawn hna. Australia ah an chungkhar in khua an sa lio a si. Jedy nu chuahni sunglawi kan in lawmhpi hringhran. Bawipa nih tu ni tiang lam an hruainak le an umpi nak thanwgin a sunglawi tuk mi na chuahni dam tein caan na hmang kho mi kan I hmuh caah kan in lawmhpi, Bawipa nih hmailei zong ah lam in hruai sehlaw amah sunpernak caah in hmang chin ko seh. Chungkhar nutha si zungzal hram ko.

Happy Birthday to Jedy NU. Pathian nih na chuah Ni sunglawi dam tein an phak ter caah ka lawm tuk ee. Kan family ah Nu can dirhmun ah Kan dir piak zungzal law, Pathian nih hmaikum zong ah dam tein na Chuah Ni sunglawi an phak ter tthan ko seh ! amen !❤️ Credit: Sarah Van Tin Hnem page

Saya Joseph Van Duh Tling nih Devotional Article a tialmi hmangin thazaang la ți țhan dingin kan in sawm hna. Filipi 2:4 “Cun midang duhning kha hmuh thiam i zuam u law nanmah duhnak lawng kha ruat hlah u. “Aho Dah Na Si/Aho Dah Ka Si?” Ramkip um mi U le Nau, Nu le Pa hna Bawi Khrih min in nan kut kan tleih hna. Pathian dawtnak le a vel nih nan um nak cio tu ah in umpi ko hna seh. Pakhatnak ah tu bantuk in caan tha caan sunglawi a kan petu Pathian cung ah lunglawmh nak tampi ka ngei. Cun pahnihnak ah Prayer Ministry Group cungah ka lawm tuk, Pathian tu nih aram caah in hmanchin ko hna seh tiah thlaza kan campiak hna.

A tu caan ahhin chim le i ruah tti ding ah ka duh mi cu: “Aho dah na si or a ho dah ka si? (who am I or who are you?)” timi hi a si. Mah kong he pehtlai in achung kan luh hlan ah caan tawite van i check ta hna usih. Aho dah na si or aho dak ka si kan ti tikah kan mah pumpak sining kha si loin, zei tu dah Paul nih zumtu hna kan thinglung put kha ngei hna seh, tuah hna seh ti a kan duh pi nak kha chim le ruah ti ding ah ka duh.
Filipi 2:4 cakuat chung ah Paul nih kan forhfial mi cu mah hi a si: “Midang duhning kha hmuh thiam i zuam u law nanmah duhnak lawng kha ruat hlah u” tiin a kan fial mi a si i mah cu kan Bawipa Jesuh Khrih nih a ngeihmi lungput a si bantuk in, khrihfa hna zong nih kan zul awk a si. Midang duhning kha hmuh thiam cu zei dah a si? Mah nih a chim duhmi cu keimah timi thinglung put kha si loin (selfless), ka unau, hawi le kom, pawngkam lungput kha a si (neighbour). Midang duhning tuah le hmuh thiamnak ding ahcun kei mah timi thinglung ngeih lo kha a biapi tuk mi a si. Kei mah timi thinglung kan ngeih cung paoh cun midang kha kan hmuh thiam kho lailo i, mah thinglung nih a chuah pi than dingmi cu tuah sernak kha a um kho than lailo.

Cu caah tuah sernak caah a herh hmasabik mi cu thinglung kha pakhat nak a si. Tahchun nak ah chim ka duh mi cu, kan Kawlram model a tuan cuahmah mi Pai Ta Kun (ပိုင်တံခွန်) nih a duhmi meh hang cawk ding ah bazaar lei ah a kal. Cun a kal pah in lamkam ah pi tar nu pakhat nih meh hang a zuarmi cu a hmuh i a meh hang cu a cawkpiak dih. Mah a cawkpiak mi cu a duh caah siloin pi tar nu nih a herhmi le a zawn a ruah caah a cawk mi a si. Cun ni dang caah hman ding tiang in a bawmh. Ka langhter duhmi cu amah duhnak long kha siloin, pi tar nu duhnak le a herhmi a zawn a ruahpiak caah a si. Cun Marka 12: 31 chung ah kan hmuhmi cu “Na inn pa kha nangmah na dawt bantukin na dawt lai” tiah Jesuh Khrih nih a kan cawnpiak.

Kan mah pumpak caah kan duh, kan herh, a tha tiah kan caah kan ruah bantuk in kan inn pa, kan hawikom, kan unau, kan zatlang nih an duh ve, an herh ve, a tha an ti ve tiah kan hmuh piak thiam a herh ngaimi a si. Aruang cu atu lio kan caan virus lio caan ah kan mah duhnak lawng kha siloin midang duhnak zong kha kan hmuh thiam a herh ngaimi asi. Cun ve bantuk in khrih zultu Paul nih a cakuat chungah zumtu a fa le nih kan nunram ah cubantuk lungput ngei ve ding ah a kan forhfial mi a si.
Adong nak lei ah chim ka duh mi cu, Jesuh Khrih nih Peter sinah vawithum tiangin a rak hal mi bia cu “na ka daw deuh maw?” (Johan 21:15-17, NIV). Cun Jesuh nih a fial than mi cu “ka tuufa tete kha cawm hna” a chimh. Cu caah mah duhnak lawng kha kan ruah a si ahcun Jesuh nih a kan fialmi a tuu le kha kan cawm kho lailo. Atu lio kan vawilei pi nih a chuah pi mi virus nihhin kan mah duhnak lawng kha kan ruah awk a silo i midang duhnak zong kha kan hmuh thiam awk ah a biapi ngai mi a si. Mirum pakhat a si mi Bill Gate nih cun mah tiin a chim “ka rum tik ah le ka ningcang tik ah midang ka bawm te la tiah na ruah ahcun na tlai tuk cang a ti”.

Cu caah cun a ho dah na si or a ho dah ka si ve? Pual nih si hna seh tiah a kan forhfial mi cu Khrih nih a ngeihmi lungput bantuk in mah duhnak long kha si loin, mi dang duhnak kha hmuh thiam piak kha a si. Midang duhnak kha kan hmuh piak thiam a si ahcun kan ram, kan pawngkam, kan hawikom, kan inn pa, kan chungkhar kha an dam lai ti kha thazaang pek kan duhmi hna a si.
Caan pek in a rel tu nan dih lak cungah kan Bawipa Jesuh Khrih i a vel le a dawtnak nan cung ah um ko seh. Amen.

By Chuncha