Hlasak thiam duh nung ngai mi Salai David Lai a nun zoh ahcun uar a um kho taktak. Vawlei cung pi nih a buaipi mi le nihin kan Kawlram ah fak tuk in a kan den ve mi Covid-19 zawtnak cu cheukhat minung nih a thawng theih hmanh in a kan zawt le mi hmanh chawn ngam lo tluk in kan tih lio ah dam lo mi hna cung i a timhtuahmi le atak in rian a va tuanmi kan hmuh tikah thangthat lo awk le a kong chim lo awk hi a tha hrim lo. A riantuan ning kong a chim tikah zohchun a tlak ngaingai.

Singer tampi nih an siaherhnak le an thangthatnak an chim hi chim phu relphu bak te a si. A pum a peknak hi zoh tikah nunnak thap bantuk he aa lo ko, mi thinlung ah rian tampi a tuan. Singer David Lai hmailei nanunnak lam thluang Bawipa nih in um pi in in zohkhenh ko seh. Mi caah thiltha tuah tluk hi a sunglawi mi thil dang a um ti lo, kan nunnak caan tawi ahhin mi dawtnak ngeih hi a herh cem ko tiah na chim mi kha a tak in a tling tertu na si.

David Lai: ” Waibargi Sizung ah COVID-19 zawtnak dam lo pawl caah ei le din timtuah piaktu le dam lo an thawnkhawhnak dingah a herh ning in kan bawmh hna. Nikhat ah suimilam 24 chung bak dinlo in kan tuan. Cu hnuah idinh can nihnih a kan pek. Mi bawmchanh le mi caah riantuan ka duh ruangah Volunteer i ka peknak chan a si tiah a chim.

Myanmar Celebrity TV Update: Singer David Lai volunteering at the Waibargi Hospital, COVID-19 patients center. Myanmar Celebrity TV ih interview)
Photo Credit: David Lai #DavidLai #MyanmarSinger #MyanmarCOVID19

Thawngdang relchap <<<< CNLD tanhtu unau hna Party tanhnak ah aho poh tanh khawh cio a si. Tanh duhnak belte a ruang a khat cio lai lo. 2020 thimnak caah CNLD Slogan ah ‘Covo’ lak ding ti a si. Hi “Covo” hi Chin Covo lawng si loin Kawlram chung miphun dang vialte Covo an ngei cio ve. Cu “Covo” cu khuaika ah a um? Mah tein khuakhan- lairelnak timi biafang hi Bochoh Aungsan a nung lioah hmanmi biafang a si. Hi biafang hi ralkap nawlngeihnak 2008 phunghrampi chungah a tel lo. 1990 tiang kha cu Party poh nih duhmi thil hal khawh, chim khawh a si.

2008 phunghrampi a um hnu cun duhmi poh a ngah ti lo. CNLD Slogan ah “COVO” lak ding timi CNLD thantar hi ralkap uknak phunghrampi ah a um lomi biafang a si. Tlangcungmi duhmi pek le pek lo nawlngeihtu ralkap Dictionary ah ‘Covo’ timi Biafang a tel lomi hngalh buin miphun tanh ding timi ruahnak menmen in CNLD tanh caan a si nan timi hi zeiruangah a si? Nan fim, nan thiam, nan hngalh taktak ahcun tha tein khuaruat u. “Chin” timi miphun min hi sullam ngei loin zuar hlah u.

CNLD candidate pawl nih Chin state mp thutdan 24 ah 6 hi ralkap ta a si i atangmi 18 vialte CNLD nih teinak a hmuh dih ahcun Chin cozah kan tlaih lai an ti. Hmun 18 vialte tei khawh lo ding a fiang komi nan zumh rih. CNLD candidate cheukhat nih CNLD nih hmun 7 teinak kan hmuh ahcun ralkap ta 6 he fonh in cozah kan ser khawh lai an ti. Ralkap ruangah kan ram hi sifakmi le retheimi kan si ning hngalh buin ralkap cu nan bochan rih.

CNLD candidate pawl nih Center ah NLD nih cozah a tlaih lai i Chin State ah CNLD nih cozah a tlaih ding a si caah kannih CNLD hi kan pek ko u an ti. Ralkap uknak a dohmi NLD nih ralkap bochanmi CNLD sawm in Chin cozah sernak lam a um lomi cu nan zumh rih. Facang ci na cin lawngah facang kung a kho lai. Facang ci cin in fangvoi kung a kho bal lai lo. Center (Baho) ah NLD nih cozah tlaih i Chin State ah CNLD nih cozah tlaih ding cu sullam pakhat hmanh a um lo.

NLD nih Cozah a ser khawh ti lai lo timi bia hi Mahameih (alliance) party (30) pawl thluak a si. NLD nih cozah a peh ding a fiang ko caah ralkap nawlngeihnak a donghter taktak cang lai a ti i ralbawizik Min Aung Hlaing zong a hngilh kho ti lo, Bomh le Covid-19 tehna hmangin buainak lam a kawl lengmangmi a si. 2008 phunghrampi chungin tlangcungmi covo lak khawh a si lo, aho covo hmanh hmuhnak lam a um lo.
CNLD nih thutdan 18 vialte hmuh khawhnak lam a um lo, NLD nih Center cozah tlaih in CNLD nih State cozah tlaih khawhnak sullam a um lo. Thimnak ni a dih in nan tong dingmi hna cu – 1. CNLD nih si khawhnak lam kaubik a ngeimi cu State hluttaw hmun ah teinak a hmuhmi mp vialte Chin State Hluttaw Meeting kai khawh a si lai. Chin cozah riantuannak a zohfel khawh lai. Lahkhah ting 5 cio an hmuh lai.
CNLD mp ka in Covo biafang a chuak ti lai lo.


Cozah biafang a chuak ti lai lo. Me thlak lioah tanhtu pawl nih nan tanhmi mp pawl he chawnh khawh nan si ti lai lo. Miphun tanh timi hi a caan a um, atu cu 2008 phunghrampi ruangah zeihmanh tuah khawh a si lo bantukin hmuh khawhnak lam zong a um rih lo, hi ralkap uknak lungpi hi lamkam ah kan thial hlan chung cu NLD tanh rih ding a si kan timi mitcaw sa tlaih bantukin Miphun tanh biafang nan tlaih caah a caan a phak tikah – “Ka ruahsual”, “ka tanhsual”, “ka palhsual”, “ka ngaichih tuk”, “ka ning a zak tuk”, timi dirhmun na phan te lai. Philh hlah.

Hi bantuk dirhmun na phak tikah mp le cnld party hruaitu pawl mawchiat hrimhrim hlah. Politics ah cun hmuhnak le teinak ding caah Hlen phung a si, Lih phung a si ve. Teinak a hmuhmi MP pawl cu Lahkhah tal an ei lai. A sungtu cu Me pektu nangmah kha na si lai. Kan ram dirhmun le sining kan chimh lomi si loin mah tluk kan chimh cangmi na zumh duh lonak theipar si ko seh. Aho ruangah a si lo, Nangmah ruangah a si lai. Philh hlah. Philh cio hlah u. Catialtu: Laiki Chozah

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha