2020 rampi thimnak cu NLD nih teinak kan hmuh thanlai ti cu zumh a si bik rih ko. kan ngah nak ding Kawlram pumpi caah mipi bih kan hlawk ding pawl hna cu, 1)Tlong saya le sayama hrangi tha bik cu Democracy Federal a si . 2) Mino hmuah hmuah hrangi tha bik tla Democracy Federal a si tho tho! 3) Kan fa le nauhrangi duhum bik tla Democracy Federal tho tho a si.

4) Tar le upa hrangi duhum zet mi tla Democracy Federal tho tho a si. 5) Chin, Kachin, Karen ,Rakhine, Mon, Shan, Kaya, Bama hrangah tla Democracy Federal a tha bik. 6) Districts, Myo Ne, Village hmuah hmuah hrang tla Democracy Federal long a tha bik. 7) Pathian inthluachuah mi leilung hmuah hmuah hrangah Democracy Federal a tha sin sin. Composed by Rosiampuia

NLD Hruaitu Daw Aung San Su Kyi Bia Roling: Kum 2020 August 19 ah Union Peace Conference 21st Panglung ah Daw Aung San Su Kyi nih a chimmi chung in a biapi deuh kha ka hun tial lai. Kum 2019 October 28. NCA kum (4) tlinnak ah a chimmi bia kha a nawlh than. Cu hna cu, 1) A dikmi federal ram komh kan ser lai.


2) Federal phung ning in nawl ngeihnak thencheunak. Ram chungchuak thilri i thencheunak le ngunkhuai laknak hna cu a tluk rualte in a um lai. 3) Federal unit vialte cu tlukrualnak a um lai. 4) Pyine ah mahte khuakhan lairelnak ngeihnak dingah Pyine Hrambunh Upadi a um lai. 5) State nawlngeihnak cu mizapi duhnak in a si lai tiah a rak chim cangmi a si.

 

No (4) nak cu tuanvo ngeitu hna nih a sullam an fianter ning a dan cio caah a tutan hnatlaknak ah a tel kho lo. A ruang bik cu kaphnih thinphannak le izumh lonak ruang ah a si. Pyine Hrambunh Upadi (ပြည်နယ်အခြေခံဉပဒေ) cu zapi nih hna tlak cangmi a si. A bia sullam thukpi in kan ruah ruangah kan i fian ning a dang cio caah a si. Zapi lungtlinnak ding ah pakhat le pakhat theih thiam nak he khuakhan lairel ti khawh a si ko caah lungsau te in khuakhan laireltinak kan ngei than hna lai.
Atu ah kan lawnh khawhmi cu a hlan ah “Hnu kir lo hmai chuak lo a rak si mi “Rammi thencheunak um lo ding le mahte khuakhan lairelnak” hna hi an si. A rauh hlan ah ceihhmai dingmi cu “Pyine Hrambunh Upadi (​ညြ်နယ်ဖွဲ့စည်းပုံအခြေခံဉပဒေ) kong zong a tlamtling lai tiah ka ruah” tiah a chimmi cu Tlangcungmi vialte nih kan duh dihmi a si.

Kum 2020 Pinlei NLD Policy: Daw Aung San Su Kyi nih 2020 pin lei NLD Policy cu (1) Miphun rualrem thannak; (2) Ram chung daihnak; (3) Democracy Uknak phung in thlennak; (4)Federal ram komh sernak le (5) 2008 phunghrampi remhnak hna cu a biapi ah kan i hmaithlak mi a si.

Kan tuan dingmi phun (5) hna cu a tak in kan tuan khawhnak dingah kum 2020 pin lei ahcun a chang chang in riantuan dingmi le a chang chang in a tak in riantuan ding zong hna tlaknak kan ngei cang. Mah hna hi a hlei in NLD nih kum (4) leng kan riantuannak ah fakpi in kan i zuamnak thawng in kan hmuhmi tuanbia ah philh khawh ti lo dingmi an si. Hi thil a chuah khawhnak dingah a dikthlir in khuakhang laireltu le lungsaute in khuakhan lairel tinak a ngeimi nan zapi cungah lunglawmhnak chim ka duh.

Kan tuan dingmi phun (5) hna cu a tawi fiannak cun kum 2020 pinlei ah kan tuan than ding ram daihnak rian lianpi phun (3) in a um. Cu hna cu (1) Miphun rualremnak le ram daihnak (2) NCA minsen thu rih lomi hna zong nih cabuai cungah hmun khatte ah bia ruah ti khawhnak ngeih ding le Joint Monitoring Committee riantuannak a dikfek khawhnak ding ah riantuan ding (3) Union Acord ning in tlangcungmi covo tlamtlingte an ngeihnak dingah Federal Uknak phung a tlamtling khawhnak dingah upadi remhnak ah Uknak lei in tlukrualnak ngei dingin rian kan tuan lai.

Note; A tawinak in le a biapit deuh nak in ka lakmi a si caah a chambaumi a um ahcun ka ngai thiam hram ko uh. Catialtu: Jacob Thang

By Chuncha