Vawlei ram nih an cuanh bikmi le Vawlei a kan uktu tiah kan ti lengmang mi hna America cu President nawl ngeihnak ram a hruaimi an si tikah USA ca tiang long si lo in vawlei pi ca tiang ah an President hi an biapi hringhran. America President hna a si kho mi hi cu paza ti bak mi le a zei lei poah in a tling bakmi bochan awk a tlakmi bak kha a herh.

Cu bantuk minung nih President an i cuh tikah an mipi nih an zumh bak ve hna bantuk in thimnak ah an tling tik ahcun amah pa nih cun US ram le vawlei pi cu a hruai ko. President a chuakmi pa nih zeitluk in dah US ca le vawlei pi caah rian ka tuan lai tiah a hmaithlak ning in ram sernak ah daihnak a chuah ter maw? Mipi caah zei bantuk thil phun tling thil a tuah khawh timi khi term khat chung an tuan mi ah theih khawh ngaingai an si.

Atu lio zong ah thimnak a dih rih lo i, zeitluk in dah buainak a chuak. Hei ruah ko uhsih. hi hi a ngaingai ti lo ahcun American President zeitluk in dah a biapit ti khi a langter ngai mi a si. Trump le Biden zuam cawhnak ah a ho sung a ho on tinak in a biapi mi cu mipi a ho nih dah US ram pi a kan hruai chuah khawh lai ti hi a biapi ngai mi ah an chiah ve mi cu a si. Tlompal ah President tuan ding zong official tein thanhnak a kan tuah lai tikah i ngaih cio ngai a si.

Which US States Have Produced the Most Presidents? – All About America

Kha US President tuanbia ah zeitik hmanh in philh khawh an si ti lo mi hna a tangah zoh tuah uhsih.  American President Top (10) 1, FranklinDelano Roosevelt (1933-1945) 2, Theodore Roosevelt (1901-1909) 3, Abraham Lincoln (1861-1865) 4, George Washington (1789-1797) 5, Thomas Jefferson (1801-1809) 6, James Madison (1809-1817)

7, James Monroe (1817-1825) 8, Thomas Wilson (1913-1921) 9, Harry S.Truman (1945-1953) 10, Eisenhower (1953-1961) Hi American President Top (10) chung ah hin a ho dah na uar bik ,,Carel mi nasi ahcun an tuan bia na theih ko hna lai. Credit: Heisang Cinzah

Top 10 Famous Presidents of America

US thimnak hitihin a buai peng rih ah cun president hi zeitindah thim a si lai? Zei can dah a rauh rih lai? (Lai lei ummi cu mihrut an si tiah a ruatmi hna nih cun rel lo ding!) 2000 kum thimnak ah cun thimnak ni hnu ah ni (36) tiang a rau. Kum 1876 thimnak ah cun November in March tiang a rau. Kum 1824 ah cun tanglei aiawhtu (House of Representatives) nih president cu an thim. Atu i kan aupi i kan cuanh cuahmahmi electoral vote in an rak thim lo. Cucaah atu tan thimnak hi zei can dah a rauh lai ti chim khawh zong a si lo, cu pin ah hi electoral vote vialte a fian in president cu a fiang cawlh lai ti khawh zong a si lo.

Cucaah atu ah kan cuanh ciomi electoral college hna i an cunglei ah hin nawlngeitu an um rih ti cu a fiang. Mee relnak hmun (electoral college) cio nih mee an pekmi cio mi zoh in a tlangpi in president cu thim a si thawn. Sihmanhsehlaw thil aa ningcang lomi a um ahcun hitihin a dotdot in a si kho rih. (1) Electoral vote nih teinak a pekmi cu mee firnak tbk aa ningcang lomi a um ahcun state phungtlaitu (legislature) nih a thlen khawh rih.

(2) Cu state legislature nih teinak a pekmi cu ramukbawi (state governor) nih veto nawlngeihnak in a thlen khawh rih. Sihmanhsehlaw hmailei thimnak ah mee kan hmu sual lai lo ti phan ah hihi cu ramukbawi hna nih cun an tuah ngam lai lo. (3) Cu ramukbawi nih teinak a pekmi cu minung (400) renglo ummi tanglei aiawhtu hna (House of Representatives) nih an thlen khawh than ve hoi. Atu tiang ahcun tanglei aiawhtu (house) ah hin Republican lei tam deuh dawh an si caah Trump nih tei dawh deuh a si. Biden nih a tei sual hmanh ah a cungah senate aa um rih.

(4) House of Representatives nih teinak a pekmi cu minung (100) umnak cunglei aiawhtu (senate) nih a thlen than khawh rih. Atu tan ah hin senate zong ah Republican lei tam deuh dawh a si caah Trump nih teinak hmuh dawh a si. (5) Senate nih teinak a pekmi kong ah a buaibai rih ahcun state cio mee thlaknak in president cu thim a si te lai. State pakhat nih mee pakhat lawng thlaknak nawl an ngei.

Cuticun state cio mee thlaknak tiang dirhmun an phak ahcun Trump nih a tei ko lai. Zeicahtih Democrat state nakin Republican state an tam deuh. Cucaah Trump lei a tangmi pawl nan lung dong hlah u! Credit; Rev. Biak Lian Vel

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief  Editor.

By Chuncha

Leave a Reply

Your email address will not be published.