Nihin hi adonnak bik biacei zun a phan asi kho men,Tuhi innchung an lut pi l lio si ruangah zei thawngpang hman thanh kho asi rihlo, arau hlan ah thawngpang dik kan thei colh ko lai ti zumhnak kan nei. Phung a va buar pek buarlo pek ah zumtu mi hna nih thlacam kan bomh ding cu kan rian hrimhrim a si. Cu hlan zongah hmunkip ummi zumtu hna nih thlacamnak in bomh cio a si, a tu zong a a tonghnak biachiahnak tuah a si cang lai caah bawm rih hna usih.Saya David ah cu sual phawt tlak si le si lo bia chah nak tuah a si cang lai. Cozah nawl chuah mi a buar raungah tiin taza an rak cuai mi, Saya David Lah kong ah kap hnih tehte hna an chim mi zong biacheih tu sin a phan dih cang.


Hi kong he pehtlaiin Hlasak thiam Myo Kyi le U Yee Win telh in minung 14 an si i, pahnih cu an hnawl piak cang hna caah, minung 12 lawng an tang cang, kap hnih lei bia hal nak an tuah dih cang i, tuni June, 30,2020 ah tazatukyi sinah an pek dih cang tiah theih a si.
Tuni hi kong he pehtlaiin kap hnih lei in an chim mi bia cu lak in tazatukyi sin ah pek a si cang. cusicaah a ra laimi Zung chuahpi a si than tik ah hin Saya Savid Lah te hi sualphawt tlak an si le si lo, bia chahnak tuah piak an si cang lai”. tiah Saya David Lah te lei in a dir mi Sihni, Aung Kyi Win nih cun achim.Cucaah a ra lai mi July, 2, 2020 ah khin sualphawt tlak an si le si lo cu bia chah nak tuah piak an si cang lai tiah nawlngeitu nih achim.

An rak tlaih hmasa nak kong asi hihi <Thawngṭha chimtu Saya David Lah le U Wai Tun (Nawarat) tazacuai mi kongkau he pehtlai in tazacuai tu le tette pawl cu June 8 ah biahalnak tuah thok an si cang. Atu tan ah tazacuai tu U Ye Win Aung nih Saya David Lah nih thawngṭha a rak chimmi audio files pawl cu tette ah pek asi nain hi thawngṭha chim mi pawl cu hlan lio rak chim cia mi pawl an si tiah David Lah lei Lawyer nih a leh ṭhan hna tiah theih asi. U Ye Win Aung cu Mayangone township No.7 sang uktu asi.

Saya David Lah le U Wai Tun (Nawarat) cu Covid-19 zawtnak caan chung cozah nih nawl chuah mi zulhphung an buar i mipi he ton pumhnak an tuah timi ruang in tazacuai an tonnak asi. An mah zong Covid-19 zawtnak an hun ngei ve caah an dam thiang dih hnu lawng ah hi biacheihnak an tuah asi. June 8 tuah mi biaceihnak ah cun U Wai Tun a nau nu hlasakthiam Tracy zong arak ra ve. Cu leng ah miphun kongkau cawlcaang ngai mi Phungki U Pamaukkhah zong arak ra ve.

Tuan deuh biacheihnak ah khan Saya David Lah le U Wai Tun (Nawarat) cu thawnginn leng in biacheih khonak nawl hal piak an si nain biaceihzung nih a cohlan piak hna lo. Hi kong hi Mayagone township biaceihtu bawi U Moe Swe nih a tawlrel lio asi, June 15 ah biaceih ṭhan an si lai. Yangon ramṭhen ah coronavirus asi kho mi mipi tonpumhnak tuah ruang ah Saya David Lah le U Wai Tun (Nawarat) lawng si lo in Saw Kwe War (church pastor) le Saw Grandy zong Natural Disaster Management Law-NDML tang ah tazacuai an si ve. An pali ning tein Insein thawng ah umter an si. Hi NDML, Section 25 in tazacuai mi nih a tambik kum 3 thawng thlak leng ah tangka liam ter kho zong asi.

Cozah nih biaknak lei puai tiah thawng a thanh mi thlacamnak puai cu Yangon, 8 miles um Yangon Brethren Assembly Church hmun inn pakhat ah March 16 in April 7 tiang tuah a rak si. Hi thlacamnak cu Saya David Lah le U Wai Tun (Nawarat) hruainak thawng in tuah mi asi tiah Mayangone Palek Zung sin hmasabik thawngthanhnak ah hmuh asi. Hi thlacamnak puai hrambunh in zawtnak aa chawn mi minung 80 hrawng an si, culak ah Case 86 le Case 110 cu an thi.

Thawngṭha chimtu Saya David Lah cu Myanmar ram chuak Canada ram mi asi. Atu bantuk biaceih a ton mi kongkau he pehtlai in Ministry of Foreign Affairs cu BBC nih Email in thawng hal asi nain Email kan hmuh timi kong lawng leh asi i a dang Saya David Lah he pehtlai in an chim mi aum rih lo tiah theih asi. Video :

By Chuncha