Vawlei cung hi zawt nak dam lo nak thawng chia lawng te asi ee. Thihnak nih hin kum no le kum upa zong a kan thleidan lo mi fiang tein a kan hmuhsak tikah minung nunnak hi zei a si lo zia minmei a zam i a tu a lo than mi bak kan si ko mu. Kan duhdawt tuk mi le hmailei ruahchannak suttung bantuk in kan hngakchanmi hna nih mual a kan liam tak tawng kan theih cu tuar a har i, mit a caw ko mu.

Sang Ku ziah hme hi tluk lawmmam in na chan tawi. Na lung sia herh ko maw, na nu hi a zawn na ruat kho lo maw? Zei ko hme na ruah, na aw thatnak le na angthlum le hawi le kom cungah na thil tuah mi dawtnak pawl hi kan i cim manh lo dakaw. Bawipa rian tuan dingin abia na cawn mi vialte le saduh na thatmi vialte cu a theihpar kan hmuh hlan ah na kan liam tak ko mu.

Maw minung kan nunnak tlai awk that lo hih mu, Bawipa nangmah sin lawnglawng ah hnangam nak a um ee. Na zun tuar hi ahar hringhran ko e. Zeitik hmanh ah kan in philh kho bal lai lo. Van ram tu in kan dong te mu.

Tlangval Sang Cung Nung cu tuzing ah a ihnak in a nunnak a liam tak i, a ruak zong tlamtling zanlei ahkhan an vui cang. Hringtu a nu siseh, ramchung ramleng a chuahpi a unau hna le a rualchan vialte caah in tuar khawhnak an ngei nak hnga thlacam bawm hna uhsih.

By Chuncha