Tuni ah Sherman khua le Dallas khuasa Chin miphun hawile chungin Covid-19 zawtnak in zawmi hna innchungkhar 29 sinah thazaang peknak laksawng ka va chanh hna. Sherman ah innchungkhar 25 sinah siaherhnak le thazaang peknak laksawng a phan kho, cun Dallas ah innchungkhar 4 sinah a phan kho ve. Hi thazaang peknak laksawng ah atelmi hna cu Lai arsa pum (37), KN-95 hmaihuh phun 19, Sii Tylenol dur (17) le khuh khuh damnak sii dur 1 le zawtnak rungrul thahnak chatpia dur 19 hna hi asi.

Hi thazaang peknak laksawng tha tein a zawmi innchungkhar pawl sinah a phanh khawh nakhnga tuanvo a ka lakpiaktu Rev. Edna Sung Hnem le an mino hruaitu pawl cungah lunglawmhnak ka ngei. Abikin hi laksawng tingco tu vialte caah le phaisa thazaang chuah tu vialte caah thluachuah a kan hal piaktu Rev. Edna Sung Hnem cungah lunglawmhnak ahleice in ka ngei.Cun Pu Tha Bawi nih azawmi hna cazin lak a ka bawmhnak cung zongah lunglawmhnak langhter ka duh. An mah bawmhnak um hlah sehlaw a zawmi innchungkhar vialte sin ah a phan kho lai lo. Cucaah an cungah ka lawm taktak. Pathian nih thluachuah pe hram ko hna seh.

Hi thazaang peknak laksawng a tlam a tling khawh nakhnga phaisa thazaang a chuahtu pumpak pakhat cio cungah ka lawm. Pathian nih hmailei zongah thazaang pek a herhmi caah thazaang nan chuah khawh zungzal dingin An hman chin hram ko hna seh.

Cun, lunglawmhnak bia chim ka duh rihmi cu thazaang peknak laksawng lunglawmh tein nan cohlan caah ka lawm. Pathian nih hi thazaang peknak laksawngc hi nan caah damnak le lungthawngnak thluachuah siter hram ko seh!

Hmailei ah kan caah niceu dawh tampi Pathian nih A kan chiah piakmi aum ko. Zeitik hmanh ah nan lungdong hlah seh. Nanmah lawng nan si lo. Nan hnulei in an dirkamhtu hna, an dawtu hna le nan caah thlacam piaktu tampi an um ko. A rau hlan te ah nan dam ko lai. Pathian nih thinsaunak , daihnak , damnak le thawngnak an pe zungzal hram ko hna seh.

Ka lawm, Salai Z T Lian

Crayson Chin Baptist Church nih an tial mi.. ๐Ÿ™Samaria Mi Tha Paย ๐Ÿ™

Lamhlatpi in Saya Za Thawng Lian( Salai Lian) Chungkhar hna le a Hawi le hna nih Covid-19 dam lo mi hna caah tiin thlacamnak lawng si loin, Lai Ar, Tylenol, Face Mask le khuh sii tiin a phunphun in kan harsatnak an rak kan hrawm pi. Kan i lawm hringhran! Bawipa nih dawtu nan cungah thluachuah in peko hna seh!

Tingco tu Chungkhar hna nih kan Damnak caah cang hram ko seh!
(Pathian Bia)
โ€œKa fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.โ€ 1 JOHAN 3:18

By Chuncha