Khuaruahhar Thilcang: Minung hi a ttha lomi le adik lomi thil tuah ruang ah iphuhrun hi a si deuh ton rua tiah ka ruat. Kan konglam an kan theih dih sual lai ti phan ruangah a si lai cu.

Comment pakhat te, Salai na dai lai maw ka holh ve lai?” timi comment ruangah Salai Lungthlitum nih a ka Block. A ka block mi ka rak thei lo. Kan upa pakhat nih, Salai Lungthlitum nih an thluak a tawl dih cang hna lai hih. Nang na dai ko, tiah voihnih/thum Phone a rak ka chawnh. Salai a ca ttial kha na rel ko lo maw?” tiah a ka ti i ka sinah a rak fawnlo tikah ka van zoh cu a rak ka block ziar ko. πŸ˜‚πŸ˜‚πŸ˜‚πŸ˜‚
Salai Lungthlitum le keimah hi hawikom taktak kan si, kan chungril tiang ai theimi kan si. Salai hi thil ti kho. Ai zuam takmi din ei/zuk hmom a tawng bak lomi a si. Upat awk tlak ngai cu a si.


Salai he Kalay University ah Chemistry Major in kumkhatnak kan rak kai tti. Salai cu India ah ai tthial i Keicu Kalay ah adih tiang ka kai. Kan dih veve Yangon ah kan i tong tthan. Salai hi 2014, February thla ah sianginn kai dingah London ah akal, kei hi 2014, April thla ah sianginn kai dingin Japan ah ka kal ve. Kan kal hlan Yangon kan um chung kan hawipa pakhat he kan pathum in zei kan tuah/khoi kaa kal paoh ah kan izul dawi peng hna. Inn khat ah kan um tti hna lo nain nichiar zing 9:00 hrawng in zaan lei tiang cu kan um tti peng hna.

Yangon LBC, YLBC le LBC (Lautu) biakinn hna pawl ah Hakha Post arak zuar ton i, kei hi Salai zulh pah in Chin World Media Journal an ka kuat ton ve i ka rak zuarpiak pah ton ve hna. Kan kal umti peng. Salai hi London in a rak tlung kei zong cu ka rak tlung ve. Keimah hlan pi ah a rak tlung cang. Kei kawlram ka phak a thaizing zong ka tlunnak in ah a rak ka don i Pa Hre he (a bik in Australia Student le Ramdang tlawnnak visa) Agency Office caah an hlanmi Office le a inn zong kan va zohpiak, a inn ahcun kan riak hna.


Mahtluk hawikom a simi cu ruahnak i khah lo ruangah Party dang veve kan ttanh. Salai cu ho paoh theih bang online in Party dang chiatnak le Party chung i minung pakht te chiatnak kha online ah a phawt zar. A tthatnak tampi zong um ve ko lai. Keicu online ah ca ka ttial bal lo. Mizapi/ a bupi kongah online in kai thlak bal lo. Mi chiatnak kong chim zong kai tim lo. A cung i ka langhtermi comment, cun Dr. Sasa NLD campaigner ah Laitlang a rak kai lai tiah a tialmi ka comment mi le Dr. Sasa NLD nih campaigner caah hmanh an timhnak a ruang tiah ka ruahnak ka langhtermi lawng hi a si.

Salai nih, “CNLD tengh dingah Laitlang ah ka rak kai cang,” tiah a ka block hlan a tar ka hmuh bal. Keizong ka ttanhmi Party chiatnak hrokhrol in a phawtzar tu pawl an sining phawtzar ve dingin ka umnak Meiktila in Laitlang ah a tu ka rak kai cuahmah ve. A ngamh si cun a duhnak hmun sawh seh Laipaih in kan iphomh lai ka ti nain ka phak hlan ah a ka singkhaw nain ka phak hnu ah ka sawm i a duh than lo. A ka zenh pah i um ko seh. Note# kanmah pumpak huatnak a um lo. Catialtu: James Park

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha