Tuzing ah ruah lo pi in Thantlang ah COVID-19 in a zawmi pakhat an hmuh tiah thawng kan theih cu kan lau cio ngai. Kum 32 asi i Malay in a rak tlung mi si tiah Myanmar Health department nih an thanh.
Thantlang peng Fanthen khua mi asi i Covid-19 positive hi Hakha Zato ah thlawpbul asi lai tiah theih asi. Hi kong he pehtlai in Salai Ceu Bik Thawng nih Thantlang um mi sin ah thinphan tuk in kan um lo nak ding le zawtnak an hmuh mi pa hi tlangval no a si ko caah a tha cawlh ko lai, mino phu le a zohkhen tu hna kan thawng deuh a herh tinak a tial mi a si.

Hello Sui Thantlang,

Tuzing thawhka in na thawngpang hun theih cu a lung nuamlo tuk ai e. Azeikhom si ah hawi ton ciomi le tei khawh ciomi asi ko caah a rauhhlan ah kan tei ko lai dahawh. Vanchiat lei vanthat ah a tuartu zong mino zangthawng asi ko caah thinphan tuk awk asi lo tiah ka ruah.

Kan mipi an lau tuk lo ding abiapi i khatlei ah an daithlan lo biapi tuk hnga. FQ tuah herhmi, test herhmi le adangdang a herhmi cawlcanghnak ah kan lungrual I kan retheih deuh ahau ko ne hih. Abik in Pumpek Phu pawl nan re thei deuh ko ne lai hih.

Bawipa nih a kan umpi ko i kan tei colh ko lai dahawh.

Credit: Salai Ceu Bik Thawng

By Chuncha