Sagain ramṭhen, Minmo khua ah nu le pa in lo an fehsanmi nauhak unau hnih cu meisa ah an kangthat. January 3, mizansun ah Minmo khua ih kum 5 mi nauhak unau 2 (nu le nu unau) cu an nu le pa in lo an fehsanih simlam nazi 3:00 hrawngah meisa thawn rak lekin an cangpawl retkhawmmi an kang ter ngah pang.

Image may contain: sky, outdoor and nature

Cui’ an canvpawl kang lak ahcun anmah khal an kangthat ve tiah theih a si. Nauhak 2 ih mei nawhkang mi ruangah cangpawl inn le a kiang ih inn pakhat khal a kangral ti a si. Top Phoenix Media Group, Hram: Laileng Media

January 6 ah hin US congress nih Joe Biden cu President sinak formally validates tuah timh ni a si. An tuah khawh lai tiah zumh a si nain Trump suppoter hna nih cun ruah loning le khuaruahar in thil a thleng lai tiah an zumh. Electoral college nih Joe Biden cu President Elect caah certify an tuahmi cu an hnon khawh hrimhrim lai tiah an zumh.

Republican congressman minung 140 nih cun Joe Biden nih electoral college a hmuhmi vote hi phungning lo a si caah kan hnon lai tiah an chim cang. Pennsylvania state nih thimnak phung an tuahmi hrimhrim hi anmah state lila nih an zulh duh lo caah phungning loin tuahmi election a si caah kan hnon hrimhrim lai tiah Pennsylvania sate in thimthar mi Republican congressman pathum Marjorie Taylor Greene, Madison Cawthorn, Lauren Boebert, le Diana Harshbarger -nih an chim cang.

Missouri senator Josh Hawley, kum 40 nih Electoral college vote cu a dohkalh caah congress ah debate an tuah khawh men. Debate an tuah i vote an thlak ahcun President Trump nih teinak a co khawh men tiah zumh a si. Trump Supporter pawl nih election ah vote firnak tampi a um. Mial-in ballot thlakmi hrimhrim hi a dik lo tukmi a si. Aho nih vote thlak timi zong kherh hlai khawhmi a si lo. Facebook, Twitter le Google nih a herh lo tiang in election ah an i thlak, ttanhlei ngeih tuk in thil an tuah caah mipi nih thil dik an hngal kho lo” tiah Senator Hawley nih a chim.

Election firnak le buainak vialte hi congress hrimhrim nih investigation tuah hrimhrim a herh tiah a chim. January 6 ah hin Joe Biden cu US President ah an fehter kho taktak lai maw? Asiloah President Donald Trump nih a donghnak bik election result hnon an duhmi a hnon kho lai maw timi hi cu mi thinung a hnin ngaimi a si. Cucaah January 6 hi cu thindomh cio in zoh a hau. Credit: Salai Lairamthang

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.