Science leh Medicine lam behchhana incheina tlereuh (jewelry) siam thin Russian company pakhat chuan tunlai hri leng Coronavirus lem ang chiahin thi an design a, online market lamah Dollar 20-in an zuar tan a ni.

Thla hnih kal ta vela enlenna hmanga Coronavirus thlalak a rawn chhuah chiah khan he Dr. Vorobev jewelry company, Moscow hmar chhak mel 186 vela awm hian incheina chi hrang hranga siam chhuah rilruk ranin hma a la nghal char char a. Tunah chuan thi awrh chi Lung, Thin leh DNA lem a siam a, chung chauh lo pawh thil dang a la rawn chhuah zel beisei a ni.

Thenkhat chuan heti khawpa khawvel mihring chawkbuaitu Virus lem hmanga sum dawnna lo kalpui chu mi dang khawngaihna leh lainat nei lo tak a ni tiin an lo sawise ve leh bawk a. Company dintu Dr. Vorobev chuan, “Hei hi miin an lei tan tawh a. An FB page-ah te pawh an post a. Mi dangin engtin pawn sawi se, a lar tawh a ni. Tun lai khawvel harsatna hi remchangah laa hlawkna uma tih a ni lo,” tiin a sawi ve thung a ni.

Source: XYZ News & Reuters

By Chuncha