Russia cu a ralaimi kum hnih chung OL (Olympic) le World Cup ah i telnak nawl an pe hna lo. An ram zaanglek pawl nih sii an tawngh caah kum li chung phih ding an timi cu nawlnak an tuah i kum hnih ah an tthumh piak hna. 2011 in sii an rak tawnghmi an zulhdawi hnu in hi biakhiahnak an tuah hi a si.  Atu ning a si ahcun 2022 Qatar i an tuah ding World Cup zong i tel khawh lo ding a si. 2021 i Japan ah tuah ding OL zong ah an i tel lai lo ti a si.

2018 FIFA World Cup™ - News - Pride and gratitude as Russia stars reflect - FIFA.com

Thawngpang dang>> Trump nih Secretary Of State Brad Raffensperger cungah a lung a fak taktak.Trump nih US election ah thil dik in rianttuan tu ka si tiah Democrate pawl fak taktak in a do a phomh thluamah rih ko hna. US ramchung lawng silo in Ramdang tampi zong nih tutiang, US election cu Democrate lei in Biden nih teinak a hmuh ko tiah tam deuh nih an zumh.

Sihmansehlaw Trump nih nihin ni tiang sunghnak cathangh a tuah duh rihlo i teinak hmuh ding in heih tianh a cawlcang thluamah ko rih. Hi vialte a cawlcangnak chungah a sungh rihnak kong le a lungfaknak kong Trump nih cathlaknak tamtuk a tuah tuk lem lo nain. Nihi ah Secretary Of State Brad Raffensperger cungah a lungfaknak kong cathlak nak a avan tuah.

Achim mi cu, Trump keimah nih Secretary Of State Brad Raffensperger cu Georgia state chungah hlennak vote kong siseh, states dang ah vote a hleiluan in thil diklo an tuah mi vialte kong biaruahnak ngei ding in ka chawnh I, hnatlak pi dingin a cohlan duhloh. Thildik lo I hrawm ve dingin a kal hlan mi minung asi ve caah a poi ngaingai ko tiah Trump nih a chim.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.