Cheuhra cheukhat (1/10) le Nawlbia, Cheuhra Cheukhat kong ah mitampi nih cahlun asi cathar ah aum lo, nawlbia asi kanti, bible zohtti hna uh sih, 1/ Eidin kong OT ah Lev7:26,Deu 12:25 ah sathi eihlah ati, cun Lev 11:1-47 ah athianglo mi sa eilo ding attial, NT ah cun, Mk 7:19.Rom14:3-5,1kor 19:25,Col2:16 ah sazuar nak i anzuar mi le thlacam hnu cun atian cang caah eiko uh tiah attial.cu caah OT eidin nak NB cu NT nih ahrawh a awnh cang.

2/ Tukvelh nak i biaceih nak kong, OT ah cun,Ex 21:24,Lev 24:10 ah Mit ca ah mit ve ,Kut caah kut ve,Ha caah Ha ve ati, teilehrualh cham nak attial,NT ah cun Mtt 5:38-42,Lk 6:27-31 ah cun khat ta lei biang an ninbenh hna ah cun khat talei biang i chit rih ati, na ral va daw tiah Mtt 5:44 ati caah,OT chung NB cu NT ah cun athi cang hrawh asi.

3/ Sabath ni kong; OT ah Ex20:8,Lev 19:3 ah sabath ni nan ulh lai ati. NT ah cun Mtt12:8 ah sabath bawi ka si ati i,Gal 4:10 ,Rom 14:6 ah nithiangkhun thlathiang khun nan ulh lai lo tiah attial caah, Sabath ulh nak kong cu NT ah cun hrawh asi i,Jesuh ah kan ni din cang. Cubantuk cun.

4/ Cheuhra cheukhat kong; OT ah Cheuhra Cheukhat pek nak kong cu Lev 18:25,Deu 14:22 le Mal 3:10 ah nan pek lai ati, pek nak hmenh Bawipa nan Pathian inn ah ati, cucu Cheuhra Cheukhat pek nak cu NT ah pek ahau ti lo tiah ahrawk nak le aremh nak pakhat hmenh aum lo i,Mtt 23:23 ,Lk 11:42 ah attial mi khi ttha terel law Cheuhra Cheukhat pek ahau lo ti lei si lo in,nunzia dang zong thlahdorh hlah uh ti nak asi afian tuk caah, nihin NT chan zong ah Cheuhra Cheukhat pek nak cu anung i kan tuah kan pek ding hrimhrim asi.

Cheuhra Cheukhat nak tam pek khawh le attha chinchin,nuntiang pek ah asunglawi chinchin,nain atlawmbik cheuhra chuekhat cu pek ding asi. Cahlun chung i,tuah ding hrial ding in ttial mi thil zeipoah kha , Cathar ah hrawh nak le remh nak aum lo ah cun nihin NT chan zumtu nih pehzulh te in tuah ding le zulh ding asi kha fiqn aherh tuk. Ralrinding. Cheuhra Cheukhat cu pumpak mizei sin hmenh ah pek lo ding, Mah um nak khrihfabu le Biakinn te ah pek ding.. Ka lawm. Catialtu: Rev. Thang Hre

By Chuncha