Apoi ti bak hi chim ding kan ngei lo mu. Atu bantuk in vanchiat kan tong hi cu zei tik hmanh ah philh khawh a si ti lai lo mu. nan liam sia a herh hringhran ko lai mu. Kaltak mi Bawipa nih in hnemh hram ko hna seh. Mithi pa 2 kong thawngthanhnak: Thihni-11.10.2020 Malaysia in Rangoon phak ni -5.12.2020 8:00pm kalaymyo ah an ruak hi 6.12.2020.4:00pm hrawng phan kho ding in ruah asi. an ruak phak tik paoh ah vui an si te lai.

A thimi hna min. Pa David Mangzavum kum-45 a pa min Rev. Thanghlun kalaymyo .TatOotida 8.khrihfabu Hmunthar lai Baptist church asi. Val Thawngliansang kum.25 apa min pu Thanghleibik kalaymyo Letpanchuang .E. Khrihfabu.Trinity Baptist church asi. An thih ning. Gas dur a puak i mei nih a kangh chih hna. Credit: Suikhar

Atu bantuk in kan far, kan u nu nih mual a kan liam tak thawng kan theih cu lung a fak i ngaih a chia hringhran ko. Minung cu a thi ding lawng te cu kan si ko nain kan u nu a thih ning kong kan theih mi cu lung a fak ngai. A fa le ca ko ah tuak ahhin thinlung celh a si lo. Bawipa tu nih in tuar zia thiam ter hram ko hna seh. Thihloh Kan Tong: Dawtmi Nulepa ulenau hna, ICBC chungtel Pi Ṭial Dei (34) nih takpum damlonak in 12/01/2020 @ 11:00pm ah Community Hospital South ah mual a kan liam tak. Khrihfabu kan ngaih a chia tuk.

Konglam Tawi: Pi Tial Dei (kum 34) i a chuahnak khua cu Hmaikhah a si. Zokhua khuami Pu Lian Bik (Zam Bik) he an i um i fanu pakhat (kum 15) le fapa pahnih (kum 7 le kum 5) an ngeih hna. Chungkhar ah vanchiat an tong i an pa he an i tthen. An fanu upabik (Sui Tin Par) cu a pa he Colorado ah Sushi tuah ah an kal.

A luancia thla hnih hrawng in takpum dam lo in a um i a fale rawlpek hmanh aa harh deuh cang caah, a nu nau Pi Aye Ni (Pu Zing Ceu nupi) le nih an laak hna i an inn ah an conghramh. Dam lei a panh lo ca ah Sizung (Community Hospital South) ah an chiah. Sizung ah a umnak ni 9 nak ah dam lei panh ti lo in a tu bantuk i mual a kan liamtaak hi a si.

Ṭhutpinak Le Ruak Humhnak: Chungkhar lei hnatlaknak in ṭhutpinak le Ruak i humhnak cu a tanglei bantuk in a si lai. Ṭhutpinak: December 04, 2020 (Friday) @ 6:00pm  Indiana Chin Baptist Church, 8528 Madison Ave, Indianapolis,IN 46227

Ruak Thlahnak: December 05, 2020 (Saturday) Ruak Zoh: 9:30am – 10:00am Pumhnak: 10:00am, Indiana Chin Baptist Church, 8528 Madison Ave, Indianapolis,IN 46227 Thlan Hmun: Round Hill Cemetery (CEBC Biakinn pawng) 5235 S Meridian Street, Indianapolis, IN 46227 Atu lio cu Covid-19 zawtnak a karh ngaingai caah Social Distancing in ralrin tein um kal khawh i zuam cio hna usih!.

Zuunngaih Par le a dangdang kong he pehtlaihnak: Pastor Rev. Hrang Cung Hnin( 317) 986-0760 Ngaihchiat a tuarmi chungkhar hna cu taantaakmi an fale pahnih umnak Pu Zing Ceu le chungkhar inn ah biakchawnh khawh an si. (317) 665-4294. Ngaihchiatpi Buin,Credit: Indiana Chin Baptist Church

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.