Kan Pa Rev. Cung Cem a dam lo nak kong he pehtlai in kan theih ning ah amah hi a dam lonak hi a chunglei dam lo in sizung a phan mi a si tiah kan theih ning asi. amah hi Kalaymyo ah a um mi a si. Pastor rian a tuannak hi Emmanuel Khrihfa bu ah a tuan lio mi asi tiah thawng kan theih ning a si. zumtu mi nih kan pa damnak ahmuh nak hnga thlacam bawm cio uhsih.  Ahnu ah update tlamtling tuah khawh cawlh kan rak i zuam lai. kan u Amawi Thlua nih atanglei bantuk in a langter ning a si caah kan rak langter ve mi asi. Rev Peter Cungcem a tu hi a zual ngaingai cang caah Pathian sin ah thlacam nak in bawmcio hna uh. Credit; Amawi Thlua

Thawngpang relchap ding, Kan Pa Dr. Hai Vung Lian (Hannah Lian Pa) nihin tiang zumtu mi hna nan thlacam piaknak thawng a si. sizung a thial nak zongah damnak tling kan hmuhnak dingah thlacam kan bawm rih uh. Dr. Hai Vung Lian Kong ( Tuni 03, 12, 2020 ) Dr. Hai Vung Lian cu tuni ah Doctors Hospital West in Select Specialty Hospital ( Downtown) ah an thial cang tiah an nu Hannah Lian nu sin in thawng kan theih. Damnak tlamtling a hmuh khawh nak lai thlacam ko rih hna usih. A nupi le a fale ca zongah fak piin thlacam bawm rih ko hna usih.

Rev. Dr. Hai Vung Lian Hannah pa cu tuchun suimilam 12;00 tluk ahkhan doctor te nih a mah pum ah oxygen 90% a um i, She in 65% kan pek, a body condition a thi le a tha tbk cu an tha ko tiah update an kan tuah. Pakhat cio nan thlacampiaknak thawng in that lam panh dawh kan si ko tiah kan ruah. Nan dihlak cungah kan i lawmh tuk, Bawipa nih thluah in chuh cio ko hna seh.

Kei mah Aye Aye Mu ( Duh Thluai Par)( Wife) nih Pathian sin le mipi cung ah lawmhnak: Dawt mi u le nau naa a pa Rev. Dr. Hai Vung Lian ( Hai Vung) ( Hanna Lian’s father) caah thlacam nah nan kan ngei piak ii ka ni lawm tuk. Nan thlacham piak nah cu Van cung ii Pa Pathian nih lam in hmuh piak ko naseh. Amen Amen Amen: Angel Lian Nu

CBC USA nulepa le ulenau vialte hna, Bawi Khrih min in nan kut kan tlaih hna. Kan senior pastor Rev. Dr. Hai Vung Lian damlonak he pehtlai in siaherhnak taktak le dawtnak thinlung taktak he pumpak in siseh, khrifabu in siseh thla nan kan campiaknak thawng kan theihmi nih kan hna a kan ngamter hrinhran. Nan dihlak cungah kan i lawm tuk ti hi van chim hmasa than ta ka duh ko. Thinlung tak tein thla nan camnak Bawipa nih a theih ko. Kan pastor pa zong nikhat hnu nikhat cho lam panh in a sining kan theih ko ti kha van in hrawmh ve hna kan duh ko hna.

Tuchun hi zanlei suimilam 1:00pm tluk ahkhan doctor te nih amah pum chungah oxygen 89% a um i seh in 70% kan pek an ti. Zanlei suimilam 6:00pm tluk hrawng ah khan amah pum chungah oxygen 92% a um i seh in 70% kan pek an ti. A thatur le a thi ( vital ) cu a tha dih ko an ti. Amah belte a ka in a cuap tiang oxygen peknak hri ( ventilator ) an hrolhmi ruangah hngilh sii an pek peng i amah cu zeihmanh hngallo in an ihter ko rih. Kha ti an umter lawngah thlop awk a tha ding asi caah asi.

Sizung lei nih an kan chimh mi ( oxygen pekmi percentage le amah pum ah a ummi level tbk ) hi medical lei cawnnak a ngei ve lo kan caah cun theih fian a har ngaimi asi caah oxygen level kong he pehtlai in a percentage ah khin buai tuk lem loin amah mipum dirhmun le sining ah nizan le tuchun a dangmi a um maw ti tu ahkhin biapi deuh in kan ruah khawh ahcun a tha deuh hnga ti zong van chim chih ka duh. Lungthin tak tein Pathian sin tu ah thla cam hna usihlaw a damnak ding le a nunnak ding cu amah kut ah a um mi asi ko. Nan dihlak cungah kan i lawm tuk. Bawipa nih thluachuah in pe ko hna seh! Lunglomhnak chimcawklo he Pu Richard Ngun Lian (ECBC, Vice Chairman ) Columbus, Ohio, Cell : 859-466-3739

By Chuncha

Leave a Reply

Your email address will not be published.