June 26 ni ah America Supreme Court nih Nu & Nu, Pa & Pa tazawin te in tthit a duh i ttihnak a tuah piak duh lo mi cu upadi nan pah caah taza cuai khawh nan si ati, cu June 26 ni cu America ram Pathian lam in a pial vurmar ni asi tiah ka diry ah kaa tial ee” tiin Rev. Dr. Stephen Hre Kio nih a Khrihfabu Indiana Chin Baptist Church ah a rak chim.

 

After a Long Fight, Taiwan's Same-Sex Couples Celebrate New Marriages - The  New York Times

Hi June 26, 2015 lio cu Obama le Biden President an rak ttuan kum kha si. Cun Court membership Chief Justice: John Roberts, Associate Justices, Antonin Scalia , Anthony Kennedy Clarence Thomas, Ruth Bader Ginsburg, Stephen Breyer, Samuel Alito, Sonia Sotomayor, Elena Kagan, Hna hi US supreme court ah a rak tuan.

2021 ah Obama mihman Biden President a tlin tik ah Khrihfa zumhnak he a kal tuk mi phung (Law) hna an ser tthan sual lai tiah US Khrifa zumtu tampi an thin a phang. Ref: CCNC

Why Obama hasn't thrown his endorsement behind Biden - CNN Video

President Trump nih phungningtein lungtlinlonak zuamcawh angah maw? A ngah bak! A zuamcawh tikah Trump a palhnak a um maw? A um bak lo! U.S phung nih a onhmi asi. Asinain court nih cohlaan piak awktlak le Biden teikhawhnak tiang vote evidences angei lo. Cucaah a sung! Cucu kan hmuh ciomi asi.

Phungningtein Biden cu President asi cang tiah thawngthanh asi. Ahopaoh nih kan cohlaan ding asi. Zuamcawhnak a dih cang! Idinh caan asi cang. Asinain hmailei ah a theipar kan hmuh hnga dingmi ah ralringtein ṭuanvo kan lakcio a herh!

Biden le Democratic Party nih Khrihfa Biaknak an dohnak hnga lo, Bible bia an hrawhnak hnga lo, Pathian an dohnak hnga lo thlacam ding kan si. Same-sex marriage, Abortion, Gender-neutral language, Amen and Awomen, LGBT akarhnak hngalo thlacam ding kan si. Cun kan chungkhar ah a phaknak hnga lo Bible bia in kan fale cawnpiak le kilven awk asi. Cun U.S cu ral tampi angeimi asi caah ralhrang kut in kan himnak hnga Bawipa sin ah thlacam ding kan si.

Cun Biden nih bia a kan khamh bangin an ṭuan chungah “COVID an tei khawh nakhnga, College tuition zong free tein a kan pek nakhnga, Loan zong a kan ngaihthiam nakhnga, Medicaid le food stamps zong tamdeuh a kan pek nakhnga, Chinmi refugees tampi in kan itel khawh nakhnga, Kawlram ummi kan nulepa, kan ulenau he fawitein kan itlawn khawh nakhnga, Cun nupi parcel aa cahmi hna zong tuan ah an rat khawhnak hnga” thlacam ding kan si.

Kum (4) chungah Bawipa nih zeidah tuah lai kan hngal kho lo. Zeidah kan ton lai kan hngal kho lo. Thluachuahnak kan hmu kho i harsatnak zong kan hmu kho. Cucaah azungzal in zumtu asimi nihcun kan ram, miphun, Khrihfabu le chungkhar caah thlacam lengmang hna usih! Kan tonmi paoh cungah Bawipa sin ah ilawm ko hna usih! Bawipa kut ah zeizongte a um ko!

2024 ah Bawipa nawlngaimi, Bible aa tlaihmi hruaituṭha Bawipa nih a kan pek nakhnga thlacam usih! 2024 ah Mike Pence tuhi Bawipa nih damnak, fimnak le nun khuasaunak tu pe chin ko seh! Democratic Party le Republican Party ti caan a dih cang. Hmunkhat tein kan Ram, kan Miphun, kan Khrihfabu le kan Chungkhar caah dawtnak he kalṭi caan le ṭuanṭi caan asi cang.

Bawipa nih careltu vialte 2021 kum chungah nan chungkhar le pumpaak cio ah thluachuahnak an pe dih hna seh! Nan itinhmi le nan saduhthahmi cungah hlawhtlinak an pe cio hna seh! Damnak, lawmhnak le hnangamnak an pe cio hna seh! Bawipa cu a zungzal in a ṭha! Credit: James Vanneilian

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.