Note: Mipi sinah lunglawmhnak le zaangfahย  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo ka ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin a si.

Thawngpangย  kan tialmi hi careltu mipi caah thathnemnak sihramseh tihi kan itinhmi a si. Chirhchanh Source kan lak hnu ah a dik mi a si lai tiah kan ruah mi kha, kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

Dr. Hai Vung Lian Caah Thlacam Sawmnak: Dawtu vialte hna kan thlacam nak Bawipa nih a kan leh ko. Thinlung kuai in Bawipa sinah Dr. Hai Vung Lian caah thlaza kan campiak peng hram ko ulaw. Bawipa caah a si kho lo mi a um lo ti lungput ngei bu in. Saya Vung Vung update, 11/23/2020, 10:30 am. Saya Vung Vung zong oxygen level 70% an pek tiah an nu sin ah an chim. Oxygen zong a kai deuh mi a lo ve i kan hna ngam deuh ngai ve cu vialte cu dawtu hna nan thlacam nak asi ko. Thla kan dam piak rih ko u law ti kan nawl hna. Credit: Pastor John Van Nun Tluang.

Atanglei hi nizan hrawng a thawngpangย  kan theihning kan vun langhtermi a si. Rev.Dr. Hai Vung Lian A Hnu Bik Thawng le Thlacam Sawmnak; Tuni Sizung lei in thanh nak an tuah mi ning in cun tlawmpal cu nizan nak cun kan tha a hung nuam deuh. A kal hi ttawl a hau men lai, thaizing lei ah schedule kan tuah lai ee an ti. Dr. Hai Vung Lian ( Kan pastor) hi Pathian nih a hlei tein a thim i thluachuah a pek ko tiah ka ruah. Kum 10 reng lo chung a Khrihfa bu ah chungtel ka si cang i zeitik hmanh a aw sang in thinhun nak le a hmai sen ka thei bal lo. Hngakchia/upa thlei dan nak um lo in mi a chawn bia i a biaruah a hei lumsat ning. Ngeihchia mi caah mi hnemh a vai rep ning le mi conglawmh a vai i ret ning.

Khrihfa bu caah ai pumpe i zei bantuk thil kong hmanh ah dik nak le fel nak in riantuan a duh zungzal tu a si. Nautat mi ngei lo in rian a ttuan tu pa cang a si. Atu hiti a hun si cu Khrihfa bu mipi kan dihlak in mitthli he kan iciah dih. Ngeihchia in mitthli he thla kan cam zungzal. Zumtu fale vialte hna zong nih Pathian sinah fak piin thlacam kan bawm peng ulaw tiah Bawi khrih min in zaangfah kan nawl hna. By: Paul Lian

By Chuncha

Leave a Reply

Your email address will not be published.