Saya David Lah Biaceih Donghnak; Kan hawitha Saya David Lah cu nihin ah a donghnak bia an ceihpiak cang. Thlathum chung thong tlak a si lai. Asinain thong a rak tlak khan an tuakpiak lai i, hi hnu zarh hnih lawng a thla cang lai tiah a Sihni pa nih a chim.

Bawipa nih umpi selaw, lamhruai ko seh. Thlacamnak in rak bawm cio ko rih hna usih.
Photo: Nihin biaceihnak zungah an chuahpinak hna a si. Zeiruang dek a si hnga tutan cu Nithong in an hmai an phenhpiak hna. Ref: Sang Nawl

Relchap<< Saya David Lah an tlaihnak aruangbik cu mibu tonpumnak phungsermi (Social distancing) na buar ti ruangah a si. Amah ruangah zawtnak akarh caah tibantuk langhtermi pakhat hmanh a um lo. Covid-19 phungsermi buar ruangah a si ko. Mah bantuk phungbuar ruangah Innsein thongah an tlak. June 3, ah a kong ceih than a si lai. Asi ah cun, Tutan ah kawl pawl nih puai an tuahmi khi zoh ulaw, covid-19 phung abuarmi lawngte an si khih. Cun, Saya David Lah pawngah a ummi palik le media vialte hna khi covid-19 phung a zulmi pakhat hmanh an um tung lo. Anmah hna khi zeitindah cozah nih ati hna lai. An buar zongah a poilo, an ti lai maw? NLD cozah nih zeitindah tuanvo alak lai timi ruahlo awk a tha lo. Saya David Lah nakin anmah pawl khi pei phungbuar deuhmi cu an si ko cuh.

May 20, upadate: David Lah kongah Dr.Sasa nih a chimmi hi adik tuk. Dr.Sasa hi uar a um tak tak khi si. Acaan te ah a holhmi, ahmun le hma, acaan zohthiam in a ralthami pasaltha tak tak a si. Tutan ah Pathian thawngtha chimtu Saya David Lah an tlaihnak kongah Dr.Sasa alungfak tuk. Dr.Sasa nih nawlngeitu hna cu hitihin ati hna, Khuika ah dah social distancing cu a um ne. Khuika ah dah social distancing phung sermi (Nature Disasters Management law) cu a um kun ne. Mah ka I a ummi  media vialte hna khi zulhphung sermi zalong tein hrawhnak nawl maw an ngeih ne. Mah bantuk hi maw uknak phungphai tiah kan ti lai. A taktak ah cun cohlan khawhlomi a si. Anmah palik le media pawl nih nature disaster law an buar ttunglo ah cun  David Lah hi zeitindah phung a buar an ti khawh lai. An tuahmi thil hi zumh khawh an si lo tiah a ti.

Dr.Sasa nih cun, Ka hawi David Lah, Bawipa nih thluachuah inpe ko seh. Bawipa nih kan miphun thluachuah pe ko seh. Bawipa nih kan ram thluachuah pe ko seh tiah a ti. David Lah akut ah cikcin khihmi ka hmuh ah hin ka thinlung chungah Pathian bia alang colh. Mah cu cu, Mtt 5:11-12 chung hi a si ati.  “Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah! Nan lung i lawm u law nan thanuam ko u, zeicatiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu” tiah a ti.

By Chuncha