Kan Vawlei pi hi thawngpang chia nih hnu hmai a kan doi cuahmah cang ko, Corona Virus hi a tu tiang ah ram 83 hlei zawtnak a cul cang, tampi nunnak an liam cang i, tampi zawtnak hrik a kai mi an um. Atu lio Pathian thawngtha a aupi cuahmah mi le Bawipa nih biatak tein kan Laimi thanphotnak a kan petu hna Rev. Abraham Sang Nawl le Rev. Sarah Ngun Doi Fam cu CEBC Khrihfa bu sinah thawngtha chim ding an si ko nain atu lio zawtnak ruangah an programe cu an thawnthan nak kong atangah Rev. Abraham Sang Nawl nih a langter. Bawipa nih caan rem ser piak than ko hna seh.


Hawile Hna
Tulio ah ramkip nih an i buaipi mi Coronavirus ruangah khualtlawng ding minung le vanlawng hna pinah puai ngan pipi tuah ding le Conference, meeting tuah ding hna zong tampi an i let i, ni caan an thawn hna. Kanmah nupa zong CEBC Dallas ah March 16-22,2020 tiang Revival Crusade tuah dingmi cu US Visa zong kan lak dih ko cang nain, CEBC riantuantu hna he nithla kan thawn than. Khuacan a that deuh tikah tukum chungah caan tha kan zoh than te lai. Online tuin thawngtha chimh khawh kan van i zuam lengmang hna lai. CEBC Dallas le hawile vialte hna Bawipa nih damnak in pe in lam in hruai ko hna seh! Amen.
Bawipa rian ah
Abraham Sang Nawl & Sarah Ngun Doi Fam )Monica nu le pa)
Denmark

By Chuncha