US Election thimnak ah a tlingmi Joe Biden hi RC (Roman Catholic ) biaknak a si ti cu kan theih cia dih mi asi lai ka zumh. RC lubik Pope Francis nih Joe Biden President a tlin lawmhpinak a tuah ve! President a rak tuanmi John F Kennedy hi RC biaknak in President a voikhatnak a tuan i, a tu Joe Biden hi a pahnihnak Roman Catholic (RC) President a tuan mi na si, Kan lawmhpi hringhran tiah a chim.

RC hi an ram men hrim lo, USA biaceihnak zung lakah a sangbik Lai holh in cun suparincot ( supreme court) biaceihtu (9) lakah alubik telhin minung 6 cu RC biaknak an si. 2021 in 2025 kum USA pawlitik (politics) le uknak cu Evangelical Khrifa hruaitu minthang pawl cu Donald Trump he nitlak lei kam ah an kal lai i White House chungah an mithmai hmuh a tlawm deuh ngai lai, nain RC hruaitu pawl hi nichuah lei kam ah kal dawh in an um i White House chungah Pope mithmai hmuh ngai dawh in a um.

Image may contain: 3 people, people standing

Newsmax, OAN le Epoch News chirhchan in biatak tein Thawng pang kan I copy caah Trump sungh cohlan khawhlonak Laimi sin ah a um peng ve rih. Trump zong nih cucu ai chirhchan ve. ABC, NBC, CNN, CBSN, CBS thawngpang ngan ngan hna nih vote fraud a sinak fact-check a bawh bakin an bawh–langhter u nan hmuh ahcun an ti. Tutiang source – hrihhram tha le a fekmi tehtee an langhter kho rih lo. An reporters vialte a Amrica ram chung, abikin swing State ah chunzan in tehte kawlah an iphar–a fekmi le a felmi an hmu kho rih lo an ti cio.
A hlan ah Trump ai hruhpi mi FOX news zongnih “vote fraud” um dawh si lo an ti–atutiang ah cun fraud pical ngaingai a um lo an ti. Trump he ui le me ah an ichuah colh. America media/news buantual (platforms) zongah hin a caan ahcun thlitu ai hamhmi an rak tor ve. Cucu Lai mi cheukhat nih kan vai ihamh Chin tikah hamh 2-3 hnu I kan hei thai futfat chinmi news khi Trump teinak dingah biakhiak khotu phun in zumh a si colh.


Zeiti sihmanhah Trump pek Biden pek–aho an va sipek, USA politics ahhin tlamtlin lonak an ngei cio ko hna. Tahchunhnak ah, debate lio ah Trump nih Biden a timi “USA VP sinak power hmangin Turkey Oil company le Biden Fapa an konglam” hna kha a hmanmi lawngte an si ko. Cun Biden nih Trump a timi “A thli tein China Bank account na ngei” a timi zongkha pheh awk tha lo a rak si.

Mah tlamtlin ve lonak iphilh kha thilbuai a si tawn. Al Gore le W Bush buainak bantukin cun thil cu a kal theng lai zumh a um lo. Al Gore caah ahmanmi, a felmi, le a fekmi fact-check a rak phozartu hna kha ram chung News ngangan an rak si. Lanbee news an si lo–ihamh phunphai a rak um lo. Trump nih hin OAN le Epoch news, Newsmax deuh ihamh loin. Fox te hna ABC, NBC, CBSN te hna hi biatak tein hmang hna seh–ihamh deuh sehlaw rinhcanh a tlak deuh hnga ka ti. Credit: Collin Van

Biden outraises Trump for second month in a row with record $141 million  haul

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.