Vawlei cung a kan buai ngaingai mi cronavirus ruangah ram khat le ram khat tlawng zong a har chin ko cang. Hi zawtnak hi vanlawng chungah an I kaih bik le a thawk hmasa lengmang a si caah ram tampi nih an ramchung ah luhter lo dingin khamhnak an tuah cio hi a si. Mipi nih tluangtlawnnak lam kan sungh long si lo in service a tuahtu pawl ca hrim ah sunghnak taktak an tong cio cang.

Kanmah Myanmar ram zong cu bantuk in harsatnak a um chin ko lai. Vanlawng ramdang in luhnak cu caan tawite an rak khar chung mi cu atu lio kawlram cu Covid-19 a karh lio pi a si caah September 30 tiang khar rih chung dingin a ni caan an thawnthan hi asi.

Mah hi Covid-19 ruang ah Myanmar ram cu tihnung in a kar lio he a topng pinah ramdang in a rak lutmi hna sinin zawtnak an hmuh chuah thar hna tikah ramdang in a lutmi vanlawng poah cu khamh rih ding in thawng theihternak an tuah than mi asi. 2020 September 30 zan 11:59 pm tiang phihchung a si lai tiah Internal warfare of the Polish military nih an puan hi a si.

Ramthumnak a ummi ca zongah a buai ngaingai mi thil ah a cang, tlawn a herhmi zong tlawnkhawh a si lo pinah nupi pasal ngeih a duh mi le chungkhat auhnak mi hna ca hrim zongah thawngpang chia ngai a si. Hi zawtnak hi zeitiang dah a kan buai rih lai. Cheukhat caah cun hna bei dong ngainak a si i, cheukhat caah cun caan rem can tha hmannak le hlawknak zong a si ve. A zei lei tuakah cun mah zawtnak nihhin thatnak lei nak in chiatnak lei le sungh zatlaknak lei ah a chuahpi cang ko. Ref: Khit Thit Media

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha