Joseph cu a U Nau caah le Egypt ram pumpi khamh awk ah Pharaoh nih a mah changtu ah a chiah.A U nau dihlak harnak le temtuarnak in a khamh hna pin ah, Egypt ram pumpi mangtam zong in a khamh hna. Joseph nih kum 30 in Prime Minister a tuan i, kum 110 a thih tiang Uktu Bawi a tuan. Uktu bawi a tuan chung a miphun mit hmai an hmu, Joseph a thih hnu cun Egypt miphun nih an nih sawh hna i, sal ah an tuah hna.

MAME CEO Meet Vice President Henry Van Thio at State Christmas
Chin mi cu kawl mi nih an kan nehsawh i, an kan hrem. temtuarnak fakpi kan tong. Kan temtuarnak in Mitthli he thla kan camnak kha, Bawipa nih a kan theihpiak i, Pharaoh nih Joseph amah changtu ah a chiah bantuk in, Daw Aung San Suh Kyi nih VP Henry Van Thio cu amah changtu ah a chiah i nawlngeihnak zong tampi a pek, VP Henry thawng in, Kawlram chung um Chin mi le Khrihfa biaknak vialte freedom taktak in kan tlawngleng kho ve cang, Government Office le hmun kip kan kalnak ah mithmai tha kan hmu i, riantuan tha zong a nuamtuk cang. Chin mi kan U nau mah le inn le lo umkal bantuk in, Ram thum nak zong in kan duh poh in za long tein kan ram ah kan um kal kho cang.

From Dunedin flat to vice-president's palace for former freezing worker |  Stuff.co.nz

Kum 4 chungah Lairam tlawnlen le khualtlawn zong a nuam tuk cang. Mi sa kel kan lo ve cang i, kan duhduh in chimrel khawhnak zong kan hung ngei kho ve cang. A mui mi Lairam cu a hung ceu ve cang i, Chin kan Unau zong ngeih niam te le kutsih lungrual tein kan tlongleng kho ve cang. Kan Miphun luatnak caah Bawipa nih Joseph bantuk in a kan thlah piak mi VP Henry Van Thio thawngin a nuam kan ti lio le tlonlen kan cim hlan ah, Zei ruang ah hme VP Henry doh dalnak le tlak nak thawngpang lawng te mei khu bang a hung zam? Hnu lei kir i, hram ai than cu kan duh hrim ti lo ee.

MYANMAR Myanmar's next vice president could be a Chin Christian

Joseph nih Egypt Ram ah Kum 80 a dirpi hna caan chung vial te, A miphun nih mithmai an hmuh i miphun dang nih an tih zah hna. VP Henry nih Kum 4 a kan dirpi caan chung ah zeitluk in dah Kawl miphun hmai ah mithmai kan hmuh i kan za a lon. Miphun dang nih an kan upat i zei tluk in dah kan ni nuamh. Joseph Kum 80 chung Uktu a tuan chung ah a miphun nih doh nemman cu chim hlah, A miphun mit hmai a hngal ter tu asi kha an philh loh i, an dirpi peng. Kan miphun Chin mi nih teh VP HENRY Uktu hung si rih ko. saupi kan dirpi rih ko. Kan miphun kan temtuarnak caan a sautuk cang Kan Lai mi ca hrimhrim ah caan saupi Uktu hung si rih ko tiah JOSEPH an ti bantuk in, kan ti kho ve hnga maw? Kan miphun nih miphun dang hna hmai ah kan nii a tlaan zungzal nak lai, Lungrual tein thla kan cam i. VP Henry kan dirpi a herh ko ti hi mipi nan sin ah teidornak thinlung he ka langhter duh mi asi. Catial Tu : Peter Ngun Za Cung

Vice President Pu Henry Van Thio Cu 'Chin Person Of The Year' Ah An Thim |  The Chin Express

Thawngpang dang<<<President Donald Trump nih supreme court i biaceihtu rian a lawngmi ah nu ka thim lai” tiah nizan i North Carolina i election campaign a tuahnak hmun ah a chim. Hmaizarh chungah aho timi cu ka thanh lai, “A very talented, very brilliant woman a si lai tiah a chim. President Trump nih a thim lai tiah an zumhmi nu pahnih an min an chuak, Amy Coney Barrett le Barbara Lagoa ah pakhat khat an si lai tiah zumh a si. President Trump nih biachahnak taktak cu hmaizarh chungah a tuah lai i a thanh colh lai ti a si.

President Trump nih nominate a tuah hnu ah Senate Judiciary committee nih hearing an tuah lai i, an cohlan hnu ah Senator minung 100 chung i a tam deuh duhnak in fehter a si lai. President Trump nih 2016 election lio tein Supreme court i biaceihtu rian a lawn ahcun khrihfa hna zumhnak le US constitution ning tein a pommi conservative judge ka thim lai tiah bia a rak i kam bantuk in minung pahnih a thim hna hnu ah tutan hi a pa thumnak thim a timhmi a si. US evangelical khrihfa hna nih Donald Trump an ttanpinak cu mah ruangah hin a si.

Donald Trump's new tax law is hurting investment banks such as Jefferies:  here's how - The Financial Express

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha