US passport ai tlaihmi paoh hmai zarh chungah Yangon, Myanmar chuahtak i, US lei ah vanlawng in tlunter dih dingin Yangon ah a umm U.S. Embassy a cawlcang cuahmah cang.

Vanlawng a zuan ding ni belte cu theih a si rih lo. Asinain, vanlawng hi Yangon International Airport in ai thok lai cu a fiang.

US ah an vanlawng a tum ko lai nain, khuazeika state theng, ti fehter a si rih lo. US an phak hnu ah, anmah le umnak state cio vanlawng in an zuan te lai nak man belte cu mah te rin a si lai.

Cun Yangon in i citmi vanlawng man zong hi man a ngei lai, US cozah hi a cham a hau te lai. Vanlawng man cu Myanmar in US khual tlawn man a si ve ko lai. Vanlawng zuan ni fehter a si hlan ah a man zat cu chimh nan si te ko lai.

Zuatmi ui, chizawh, hei ti bantuk cu an milu zoh chom in i tlunpi onh a si lai. Hi kongah a dikdir deuh in chim than a si te lai.

US citizen na si ah cun a hi form hi hun http://tinyurl.com/srly386 hun fill out law, pumpak na siah maw, a bu in nan si ah maw, form pakhat in hun ap te. Kan rammi i thiarnak kongah hi na fill out mi form hi kan i hman lai. Na fill out cang a si ah cun tuah than na hau ti lo.

Vanlawng thutdan hi tam a um lai lo caah, tutan i tlun nan timh than lo a si ah cun, ACSRangoon@state.gov ah thawng hun kan thanh te law a tha. US lei tlun a duhmi hna caah hmunhma na kenh ah a cang hnga.

Tutan te lawng hi vanlawng in mi kan thiar a si lai caah, tutan i na kan zulh duh lo ah cun, Myanmar ah saupi caam na hau ko hnga.

Tlun a sokmi an tamtuk i, thutdan nih a kan deih lo pingpang sual ah, a tanglei minung hna hi vo pek an si lai:

· A chungkhar he telhchih in COVID-19 chonh fawi dirhmun ah a dirhmi.

· Mino mi US rammi le an nu le an pa US mi a si mi/phungning tein nau a umtu asiloah ramdangmi sinak ai ngeih rih mi nu le pa/phungning tein nau a umpiaktu asiloah a congkhaltu.
· US rammi a si i a ra hmasa sa paoh.
· US kan phak le cangka, US CDC nih screen an in tuah hna lai, Department of Homeland Security nih a herh a ti ning nan ngandamnak kongah tawlrelnak an i ngeih te hna lai. US lei tlawnnak kong i zulhphung tete hna cu Department of Homeland Security’s website ah hun zoh te hna.

Mizeidah tutan vanlawng ah ai cit kho lai?

US rammi paoh cu an i cit kho dih. Mino US rammi cu a nu asiloah a pa, asiloah a zohkhenhtu pakhat khat nih zulh khawh a si lai. Amahbelte a nung rihmi US visa an i ngeih lai. Ka fa thlah ka duh, hei ti phun in US embassy ah visa va sok chom belte cu Embassy nih a cohlang lai lo.

Hi vanlawng ai cit kho dirhmun ngeih khawh dawhdawng a si mi hna cu: US rammi le US ah phungning tein khuasaknak nawl a ngeimi hna ramdangmi sinak ai tlaihmi an fale, an nupi le hi an i cit kho ve men ko.

Ramdang Mipi pasal:

· US luhnak visa
· Ramdang passport
· US rammi he an i pehtlaihnak a dik ko, timi tehte (lehthahnak lehmah dik)

US rammi i a fa:
· Nu le pa hna i US citizenship an ngeihnak lehhmah le a chuahnak lehhmah
· US luhnak visa

U.S. Legal Permanent Resident (LPR):
I-551 U.S. permanent resident card, ramdang passport, a liamcia thla 12 chungah US ah a um ko, timi tehte.

A liamcia thla 12 tein khan US na chuahtaak cang a si ah cun, LPR dirhmun in tutan ah na tlung kho lai lo.

I-551 US permanent resident cards ai ngeih lo mi LPR chungkhar hna zong tutan US minung an thiarnak ah hin ai tel kho lai lo.

https://mm.usembassy.gov/alert-repatriation-flight-for-u-s…/

Credit: Chelsea Bawi

By Chuncha