Ralrinpeknak!: Hakha Chin Oo Sii Sang khuasa Pi Noami Lian nangmah cu CDM tuah lo in zung na kai peng. Culawng si loin CDM cawlcanghnak Palek le Ralkap sinah thawng na thanh tawn hna ti kan theih.

May be an image of 2 people and text

RAK I RALRING! Hihnu zung na kai mi le Palek, Ralkap sinah CDM cawlcanghnak kong thawng na thanhmi kan theih rih ahcun Sang Mino le Hakha Mino hna nih a herhning in tuanvo kan in lak lai. 2021 Febuary 28, Chin Oo Sii Mino Bu

Civil Disobedience Movement (CDM) Muru: 1st February 2021, ni cu Ralkap nih hramhram in uknak an lak ni, The National League for Democracy (NLD) kutcung savo an fir ni le nawlngeihnak an chuh ni a si. Vawlei cung tuanbia ah ai dawh lo bik tuanbia tial ni ah a cang. Tlangmincimh in National League for Democracy (NLD) nih 8th Nov. 2020 tuah mi thimnak a hmuh mi teinak cu tur-sii chunh le tangka phalh in an khangh viar hnu ah kan hnon, tiah an thanh huar.

Tutan General Min Aung Hlaing uknak lak hi Kawlram tuanbia ah pathumnak a si ti khawh si. 1962 March 2 ah U Ne Win nih meithal hmangin rampi nawlngeihnak a rak lak kha si. Phunghram lo bak in kum 10 lengkai meithal he a kan hruai i vawlei tawne ah a kan a pilpi. Cu hnu 18th September 1988 ah a voihnihnak rampi nawlngeihnak cu Ralbawi Saw Maung nih a rak lak hui. Hi 1988 (8888) lio hna cu thisen tam tuk a luan kum a si.

May be an image of one or more people and outdoors

Rampi pakhat a si mi i thithruainak ah phung le phai lo bakin meithal he ai hruaimi ram ah kan hung cang. Ning le cang in a kan hruai lo, dinnak kha an lamhchih i dinlonak tu nih ram a uk i tlangau. Tutan “Civil Disobedience Movement” (CDM) tuah a sinak zong hi, Kawl ralkap tuanbia dawhcah lo vialte le dinlonak nih a chuahpi mi a si.

Civil Disobedience Movement hi Henry David Thoreau (1817-1862) nih 1849 ah a rak thawk. A rak aupi mi cu “Disobedience of Unjust Law” ti a si. A chim duh mi cu-Adik lo mi le a hman lo mi; Mizapi hremnak ca le salzuatnak ca ah; Zalonnak a hrawktu le a khaamtu ca ah an tuah mi Phunghram, Phunglam le Upadi vialte cu- Zulh lo ding: By Twintwin

UN Palai Kyaw Moe Htun kong ah: UN Palai Kyaw Moe Htun cu aanaa firmi: Min Aung Hlaing le a hnu zul pawl nih na rian in kan in phuah tiah ca an chuah. Mah hna hi rian phuak kho an si lo. Kyaw Moe Htun cu mipi thimmi NLD cozah nih UN ah a tu a rian hi ttha te in rian peeknaak order ca in an chuah I an peek hnu ah UN Secretary sin ah rian khanhnaak ca a peemi a apmi a si.

Ralkap aanaa firmi M. A. H te phu hi UN cu chimlo in kan ram innpa ram khat hmanh zong nih theihpi le hnatlaakpi mi an um lo. Cu caah Myanmar ram aiawhtu ding UN palai cu chim lo ram chung Acozah rianttuantu hmanh ah rian peeknaak nawl a ngei lomi an si. A ho hmanh Acozah rian in an phuak kho hna in an pee kho fawn hna lo. Mifir a simi cu tacuai I thong thlaak ding tu an si. Cu ti a si ca ah UN palai Kyaw Moe Htun hi kan kawlram Myanmar Government ca ah le kawl mipi kan ca ah kan palai tling palai hmaan a si ko !!! by: J Biak Tin Sang

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chif Editor Editor.

By Chuncha

Leave a Reply

Your email address will not be published.