Kawl ralkap nih cun NLD cu a tih tuk. Suu Gyi an tih siloin Suu Gyi sin ah a um mi mipi thazang kha an tih mi cu a si. Ralkap nih cun an duh le duh lo zongah cu mipi nih pek mi thawnnak cu vawilei dongh tiang an hmu kho lai lo. Caan tha kum 40 leng an ngei mi kha chungkhar le hawikom miaknak ca le duh paoh in ram hrohnak ah an hman dih.

Myanmar Swears in First Civilian Government Since 1962

Hmailei ram daihnak ca tuak buin kawl mipi nih cun ngai thiam hna hmanhsehlaw an biak khuachia nih cun a ngai thiam hrim hna lai lo. Suu Gyi’s power cu mipi khi a si. Ralkap nih a lam kip in hna an hnawh. A lawyer pa zong chun lai saling ah an thah piak huar. Asinain, Suu Gyi nih dai tein an bia a ngeih rih ko hna. An kar hlan ning a zoh ko hna. I chuah sual lo ding in le mipi an fahnak hnga lo tuak bu in bia a chim. Kar a hlan pi hna.

Ralkap nih cun NLD cu uknak an tlai bal loh le zei pi an si lai lo ti phun khin aluancia kum 4 chung kha an zoh hna. An nek ngai hna. Asinain, Aung San Suu Gyi nih aluancia kum 4 chung foundation a chiah cang kha an hmuh tikah an lau cang. An ther cang. Tutan term cu a den thluahmah cang lai ti kha an hngalh cang. Thih lai ke cheih bantuk deng khi an lo thulh cang.

Leaders of NCA signers to meet with State Counsellor and military chief | The Myanmar Times

Tutan 2020 thimnak zong ah NLD thazang a der khawh nak ding in a lam kip in a thli thup in an cawl cang. Thimnak lai tiang ah WARNING de deng pek phun in ca hna an chuah huar. Zei tluk in dah uknak power kan kut ah a um rih ti khi an langh ter duh bik mi a si. Tutan NLD nih 2015 nak in thawng deuh in a tei tikah ralkap bawizik Myint Aung Hlaing cu NLD Cozah nih a thutnak kum 4 peh than ding in min an thut piak lo ding kha a fiang tuk cang.

USDP hi ralkap chuak an sinak cu a tu an biachim le tuahsernak ah a lang thluahmah. Kawlram mipi hi an rak fim hrim ko. Atu bantuk ralkap nih ramkhel celh ai timh le national politics hi kan mah kut ah a um ko ti mi lungthin an ngeih peng rih mi zoh tikah 2030 tiang zong hi ram pumpi ca cun NLD a thawn rih a hau ko. Ralkap an bawi pawl biachim le an statement chuah pawl rel ah hin thin a lin chin lengmang. Credit: Sang Hre

A man of peace | Otago Daily Times Online News

2020 Kawlram thimnak cu kan i ngaih bantuk in teinak zong mipi nih kan duhmi an chuah cang. Chinmi tuanbia ah a um ballo mi 2016 ah Dr. Henry Van Thio cu Kawlram Vice President a kan tuah piak i, zeitluk in dah kan i lawmh. Kum 4 chung rian a tuannak ah chim tlak ding tamtuk Kawlram level le Chinmi caah a kan tuah piak khawh tik ah zeitluk in dah lawmh a um i, tuanbia tha a tial. Min chiatnak pakhat hmanh ngei lo in kum 4 chung rian a tuan tikah hin upat a tlak i, Khrihfa mi caah zumhtlak a si nak a langhter mi nihhin hmai a kan hngal pi. Kan Pu Henry Van Thio nih hin ro a ling mi tuanbia dawh taktak a kan chiah piak. Hi hi Chinmi nih kan thluachuah sung ah kan i ruah ding hrim a si.

Atu Ah Chinmi Chung In Myanmar Deputy Foreign Minister Ah Pu. Hau Do Suan An Chiah timi thawng kan hung theih cu lawmhnak chim cawk lo a um. Chinmi tuanbia ah a um bal rih lo mi rian hna hung tlaih khawh hi cu a sunglawi taktak mi le chim phu relphu a tlakmi thawngpang tha taktak khi a si. Kan Pu Hau cung ahhin lawmhnak a sang ko, rian tampi a kan tuan piak hrim lai ti zong zumhnak kan ngei fawn. Chinmi hi kan rak men lo, Ralkap uknak that lo nih hmang awk kan tha tluk in rian a kan pek lo ruang le a kan hmang lo ruang tu ah a si. Kan pi Suhkyi a hung kai hnu in cun kan tial a lang thluahmah cang ko lai, 2020-25 zongah kawlram chung ah rian ngan tampi le Uktu bawi sang kan tuan rih ko lai ti zong zumh a um ngaingai.

Cu caah hi bantuk kan pa le hna chung in rian sang taktak an tlaih mi hi Chinmi kan zapi in i lawmhpi zia thiam le cuaisan zia thiam hi kan rian sang bik ah i chiah hna uhsihlaw an hnu lei in dirpi hram hna uhsih. cheukhat kan lungput hi tih a nung ngai mi kan tam ngai rih, Laimi thinlung ah mi pakhat cungcuan an um tikah soisel lei tu in tang lo in thazaang pek le riantha tampi mipi caah an tuan chuah khawhnak hnga an hnu in tangpi,dirpi tu hi i zuam hna uhsih. Bawipa nih Chinmi hmang in Kawlram le Vawlei pi thlen a duh ve cang. Innka a hung thluahmah cang ko lai. I lawmh uhsih. Bawipa nih kan pa le riansang a tlaimi hna cungah thluachuah ko hna seh. Atang hi MC Biklian nih a tial mi kan hrawm chin hna.

Myanmar Deputy Foreign Minister Ah Pu. Hau Do Suan An Chiah. Icj Le Foreign Kong A Tlaih Lai. (A kong lam tawi) December1,2020 ah khan Myanmar President U. Win Myint nih Myanmar Ambassador to UN hlun Pu. Hau Do Suan cu, Deputy Minister of International Cooperation ah a chiah. Pu. Hau hi kan ram Rakhiang State i, Bengali buainak ah khan UN Assembly le International Court of Justice ah Myanmar aiawh in biatak te’in a dirh kamh tu kha asi i, kanmah Chinmi lakah a hma sa bik i Foreign Dy- Minister rank a tlaihmi asi.

January 2020 ah ICJ nih thla 4 le -6 vawikhat report pek dingin Myanmar cu bia a khiahpiak ca’ah, March thla ah le a tu 23 November,2020 ah khan Myanmar nih ” Provisional Measures” Report a pek than cang i, a ralaiding 2021Kum thar ah ceihhmai tha’n ding asi.

Hi ICJ he pehtlaih in Myanmar ah a ceihhmai kho tu ding cu Special Expert Pu. Hau Do Suan lawng lawng hi asi ca’ah Urgent Minister Post ah an chiah chungnak asi ti’ah theih asi. Tutan Myanmar nih report a pe mi ah ICJ lei nih cun Rakhiang i Bengali(Rohingya) pawl nan uah duh hna lo pinah Politics Election zongah nan thleidan tha’n hna ti’ah Myanmar Cozah cu an mawh chiat tha’n hoi. Hi kong hi Pu. Hau Do Suan, Dy. Minister nih UNO, ICJ le Foreigns ram pawl ah Lobby tuahin a buaipi cang lai.

Pu. Hau Do Suan hi a Pa.Khaizadal le a Nu. Luanzen te fapa asi i, 11 November,1954 ah Teddim peng Keizang khua ah a chuak. Rangon Arts & Science University RASU in BA (Hist.) a dih hnu ah Singapore University in Master of Public Administration(MPA) a dih hnu, 1979 khan Foreign Ministry of Burma ah a lut i, Nupi Cing San Niang( Nwe Nwe Aye) he an i nei i, a fapa Mungpi zong US ah Nupi a ngei cang.

Pu. Hau Do Suan hi Myanmar Foreign Ministry ah Director General a rak tuan dih hnu in 2013 ah Myanmar Ambassador to Canada ah a tuan hnu in 14 June,2016 ah Ambassador to UN ah an chiah i, New York ah a um. Cun, 15 February 2017 le 7 February, 2017 ah Maxico le Cuba i Myanmar Ambassador sinak an kemhter chih.

23 October,2018 UN Assembly i Myanmar kong Rohinga an ceih lio ah biatak thlakin Kawlram pi a khamh khawh ca’ah a min a thang ngai ngai. Cuca’ah, kan Chinmi nih a mah Pu. Hau Do Suan le Pu. Henry Van Thio nih Myanmar rampi Deputy Minister le Vice President an kan tlaih piakmi hi Chin History a tharin an kan siam piak ca’ah kan lawmhpi tak tak tinak kan langh ter. CONGRATULATIONS!

By Chuncha

Leave a Reply

Your email address will not be published.