Theih ternak: Tlang ka tar mi kongah mipi a reltu sinah theihter ka duh mi cu ka tlangtar mi hi sentence tling in ka tar lo  aruang cu abia tling tein ka tar asi ahkhan cun a sautuk lai caah a tawi fiangnak in ka rak tar mi asi. A chung ahhin tlamtling tein a um dih ko,cun a dangdang thawngpang zong atawifiang nak in kan van tar chih hna.

Myanmar] China Military Further Tightens Burma Border Control - Myanmar  News - Thailand Visa Forum by Thai Visa | The Nation

Rampi pakhat cozah thimnak a ni thawn hi cozah a tlai liomi hna caah caan rem a si khawh tawn caah an duhmi a si lo nain tutan Myanmar Coronavirus a karh tukmi ruang ah a nithla thawn ding in ralchan (opposition) party pawl nih an duhnak an hun langhter ngaingai cang. Million 55 leng umnak ram a si i August dih tiang hrawng kha cu Covid-19 hmuhmi a rak tlawm tuk i November thimnak caah ruahchannak a rak um ngai. Asinain Election Campaign tuah an vun onh zarh in a kai ciammam i minung 3300 sinah an hmuh i 32 an thi (Sept 15.)

Weekly Update: Global Coronavirus Impact and Implications

Cozah nih Internet phihpiak ruang ah Coronavirus kong zong ttha tein a thei kho lomi Rakhine ramtthan cu cozah nih a thanh ning ah a zual hma ngai i Lockdown zong an tuahnak khua an um. Atu bantuk in Lockdown tuah ah cun Democracy thimnak cu a si kho lai lo tiah thinphan a si. Tuluk nih Myanmar ramri i an khuapi pawl Lockdown a chiah hna i Myanmar cozah he i bawm in ramri an congh. A ruang cu a thli in ramri a tanmi an um len ruang ah zawtnak a karh tiah an ruah caah a si. Thailand zong nih Myanmar ramri ah a ralkap tamdeuh in a chap i a conghter hna.  Vote thlaknak hmun ah minung tamtuk an i chonh lai ti kha an phang i cun vote zong an thla ngam lai lo i a dikmi democracy thimnak a si lai lo ti kha an phang.Cc: NCA / SCMP

Thailand, Myanmar launch joint border patrol

Thawngpang dang <<<Tu nai te ah Myanmar Idol Season 4 hlasak zuamnak in hlawhtlinnak a hmutu kan Laipa hlasakthiam Benjamin Sum nih a fan pawl le amah a tanpitu pawl sin in laksawng le a hmuhmi cazin cu a facebook cahmai ah a tarlangh. Cucu ramdang in GoFindMe in an bawmhnak deuh a si i bawmhtu hna cungah a lunglawmhnak zong Falam ca he Kawl ca he Mirang ca he tiah holh pathum in a tarlangh. Falam ca le Mirang ca in a tialmi cu a tanglei bantukin copy paste kan vun tarpiak chin hna.

Falam ca in relnak: Counting Blessings, A hmaisa in duhdawtmi nu le pa u le nau, nan zaten Pathian in thawsuahnak lo pe hram seh. Tu ih ka post mi hi Zuamawknak theh ih in duhdawttu pawl (Summers) in in duhdawtnak zangfahnak langternak ih in tuahsakmi a siih, ka hmailam hrangah ziin kaupi in onsaknak tla a si. Nan zate parah ka thinlung zaten lungawithu ka lo sim. Himi nan cemliammi pawl hi ka hrangah a ropi ngaingai ih, hi lungput nan neimi hrimhrim hi ka upat tuk lawlaw. Bomtlak le dinpitlak si dingin keimah lam khalah ka theitawp ka suah vivo ding. A thok ihsin tuini tiang, cun a ra lai dingmi caan pawl khalah ka hrangih nan caan le nan ruahnak, nan cemliammi zaten Pathian in nan hrangih lungawinak le thlawsuah donnak ah canter hram seh tiah thlaza ka cam. Cun himi cangsuak thei dingih cangvaitu zate parah le a hleice in David Nun Tho parah lungawithu ka sim bet duh.

Mirang ca in relnak: Thank you to each and everyone who has given me this special gift. This was progammed after the singing contest by the People who love and support me(Summers). I really do believe that this will help me alot for my way in art. I pray that you all who has given me your time, thoughs and so many other things for the greatest blessings. I will always try my very best. Credit:The Chinland Vision

 Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha