Thawngthanhnak: Card thlau mi UNHCR ah Sok Thannak; Malaysia um mi kan Chin ralzaam hna, UNHCR he meeting kan tuah lio ah UNHCR card atlau mi an um caah asi khawhnak chung in card chuah piak than ding in tawlrelnak tuah piak ding in chimh mi cu an cohlan caah Card le cahnah athlau mi paoh paoh zaangfah tein CRC zung ah rak ra ulaw form phit piak in UNHCR ah kan in ap piak hna lai. Tu ni lawng ah form phitnak (Online in) an kan kuat caah, mah hlan I arak chim cang mi le kuat piak mi pawl zong kha asi khawh cun rak ra than ulaw atha bik ko lai. Atu tan cu direct in online in phit I kuat colh asi lai.

Asi khaw chung in nan mah pumpaak in rak ra ulaw atha bik lai, aruang cu zei tik ah dah zei ruang ah na thlau ti ban tuk halnak le phitnak a um caah nang mah pumpaak in nan rak rat khawh ah cun a tha bik lai. Card tet-tan dih mi si lo in athlau mi lawng lawng asi; ai. Card tet-tan adih mi kha cu phone chawnh in asiloah cakuat in appointment pek in rat ternak an tuah cuah mah lio asi ko. Atu tan cu card athlau mi ca lawng asi lai. Credit: CRC

Relchap<< UNHCR he Online in Meeting Tuah mi Thawngthanhnak; Tuni Community hruai tu le UNHCR lei hruai tu hna online in biaruahnak (Meeting) kan ngei kho. Kan iceihhmai mi pawl atam len ko nain, abia pi deuh mi lawng atang lei ah mipi theih ding kan rak tial lai.


Pakhatnak. Card/catlap acaan aluan cang mi thlen aduh mi caah, cakuatnak asilo ah phone chawnh in UNHHCR zung ah herh mi pawl tawlrel piaknak ding ah thawngthanh asi cang lai I appointment (ratnak ding ni le caan) chimh asi lai. Phone in chawnh hmasat asi lai, phone tlaih lo ah cun cakuatnak in ca kuat asi lai. Chawnh le pehtlaih khawh na si lo ah cun UNHCR zung nih chawnh than na si te lai caah nang mah pumpaak in UNHCR zung ah kal in va hlaihlai ding asi lai lo. An mah nih rat ding in chimh mi ni le caan te ah kal asi lai I chawnh lo le thawng thanh lo mi paoh cu kal asi lai lo. Cun, voi khat auh ah mi tam pi pi in auh asi rih lai lo, aruang cu Covid-19 ruang ah mi abu bu in um an duh rih lo caah tlawm tete in auh hma sa asi lai caah, nan hawi le dang an auh hna I nang mah an in auh rih lo asi ah cun khuaruahhar in na rak um lai lo. Ratding ni caan ah na dam lo asi ah cun ahnu ah ratter than ding in timhtuah piak na si than te lai, kut tawlter asi lai, Mask zong tha tein nan rak ihrut lai I security zong nih ningcang tein thuttonak zong tawlrel piak asi lai. Aherh lo mi bek(zaal le ruksai) nan rak iken lai lonak zong an chimh chih. Minung pakhat le pakhat zong metre pakhat hlaat in thut asi lai. Zing lei 8:00 a.m. in 6:00 p.m. tiang zung on asi lai. Na card/catlap number tha tein hal na si lai. Caan karlak ah an mah zung nawlngei tu nih aherh ning in thilsining thlen le tawlrel piak ahau ah cun an mah nih arem tining in an tawlrel te lai. Abia pi bik mi cu zung ah ratnak ding chawnh le thawng thanh atong lo mi mah nawl in kal lo ding asi lai.

Pahnihnak. May thla 13 hnu in UNHCR tuanvo ngei tu nih remote interview tuah cu an rak thok cang I ralzaam zei maw zat zong interview (konglam halnak) tuah asi ccang. Cu chung ah Chin mi ralzaam zong zei maw zat cu tuah an si ve cang. Pudu lockdown chung I arak um mi pawl kha papek(U-sa-pe) in an tuah hna. Remote Interview ti mi cu amah UNHCR zung ah ratter in konghalnak tuah asilomi mah umnak hmun in video call (muicawl izohnak asiloah phone) in chawnh I konglam halnak tuah asi. Mah ah hin an tuah mi hna konglam halnaknak phun cu RSD le RST hi an si hna. Asinatein, Covid-19 ruang I phihkhar caan March thla in May thla tiang aho hmanh ram 3nak ah an kal kho lo I June thla chung tu ah hin case 10 hrawng hi ram 3nak ah akal mi an um tiah theih asi. Ram thumnak kal khawhnak kong he peh tlai in an mah ram thumnak cozah nih laak ding in nawl a onh ko ah cun ralzaam cu kal khawh asi ko lai, anmah lei cozah nih biakhiah mi zong abia pi tuk tinak asi.

Pathumnak. Kan Chin ralzaam Khrihfa buu asiloah UNHCR zung atang I aum mi biaknak Buu ipumhnak kong he pehtlai in hal tik ah UNHCR lutlai Thomas nih achim mi cu, an mah cozah sin ah ttha tein soknak arak tuah mi, cahnah tlamtling tein angei mi cu SOP (Standard Operating Procedure – Ningcang tein phunglam chuah mi he atlak ning tein) ) phung zulh in ipumh khawh asi , natein UNHCR nih cakan in chuah piak mi hna cu cozah chuah mi he adan caah hngah deuh rih ding asi lai tiah achim.

Palinak. UNHCR nih Johor ah zung thar on atimh mi cu July thla chung ah on ding in timhlamhnak a ngei. Lamhlat aum mi Johor he anaihniamnak I aum mi kha KL ah rat hau ti lo in cu ka ah cun aherh mi tawlrel piak ding in asi. Siaherhnak he, CRC, Note : Atang lei I kan thil chih mi te hi hmet law hi maivan ah hin Laica(Hakha ca) in tial mi zong in UNHCR nih thawng athanh mi rel khawh asi.

https://www.refugee-malaysia.org/update-number/

By Chuncha