Apoi hringhran. Nungak duh a nung lio pi ah thihnak thawng hung theih cu chungkhat caah tuar a fak tuk ko lai mu. Thihnak nih hin ngakchia, mino, nungak, tlangval le tar upa thleidan a ngei hrim lo i, ni ni khat cu amah bantuk in thihnak kan phan cio ve te lai caah a herhmi ngai mi pakhat tu cu zumtu mi hna nih ready tein kan um cio maw titu hi a si. Kaltak mi chungkhar Bawipa tu nih in tuar zia thiam ter hram ko hna seh.

Nungak R. Lalhriatpuii (kum 19) cu nihin 28/9/2020 suimilam 2:30 Pm ahkhan a thluak ah raifanh khuasik a lut ruangah a nunnak a liam tiah thawng kan theih. Nl. R. Lalhriatpuii Kum 19 hi hringtu a pa Pu R. Lalkhawngaiha fanu Vankhama Section, Galilee Veng ah a um mi an si. Atu zan hi zan khua deipi a si lai i, thaizing 29/9/2020 chun hlan suimilam 10;00 Am ah aruak vuinak caan hman a si lai. Amah hi Presbyterian Kohhran member a si tiah theih a si. Zemabawk Branch YMA

Covid-19 in Kawlram Doctor nizan ni hin an thihnak thawng tawu relchap <<<< Kawlram chungah bochan ngai mi mit lei sibawi (Specialist) Dr. Ko Ko Thant cu nizan 27.9.2020 ah Covid-19 ruangah a thi tiah theih a si. Hi bantuk Doctor thiammi hna kan ngei ngei chunmi hna nih mual a kan thih tak hi cu a poi tuk ve ko kan ti lio ah tu zanlei suimilam 4;09 Pm ah Surgeon Professor Dr. U Myat Thuya zong covid-19 in a thi tiah thawng kan theih than cu ngaih a chia ngaingai.

Kawlram kan Doctor pawl hi mipi kan caah a biapi tuk ve mi kan damnak an si ve tikah atu bantuk zawtnak in an nunnak a liam thawng kan theih hi minung tampi damnak a kan petu an si caah sunghzatlaknak pakhat a si i, doctor pakhat kan sungh hi a poi taktak mi asi. Nizan ah Professor Dr. Ko Ko Thant kan sungh cang mi ah a pehmi cu a chungkhar tiang kha ruah lo awk an tha lo, Quanrentine ah an chiah ve hna tiah theih a si i, damnak hmuh cawlh hna sehlaw thihnak an tong mi cungah in tuar zia thiam hram ko hna seh.

Atu Surgeon Professor Dr. U Myat Thuya a chungkhar zong in tuarzia thiam hram ko hna seh, Covod-19 in thih a si tikah an chungkhar le tuan hawi vialte tiang caah harsatnak a chuahnak hnga lo, damnak tling hmu hram cio hna seh. Kawlram lei cu tih a nung hringhran lio a si, Yangon lei zong a ho hmanh an chuah ngam lo tiah theih a si. Kan hnu lei zong ah mino te Nu Doctor mual a liam cang. Ralrin ko hna uhsih.

Rak khawh a si<<< President Trump Nih Income Tax $750 Lawng A Pek: New York Times: 2016 ah US rampi President sinak hmunhma a tei i, US President rian a tuan cuahmah lio mi President Donald Trump cu President a tuan chung ah income tax a pek mi $750 lawng a si tiah New York Times thanhca nih a tial.

New York Times nih President Trump nih ngunkhuai a peknak tehte kan ngah tiah an thanh. Cu tehte chung ahcun Trump nih ai ngeih mi Company nih hin kum 20 chung ah kum 15 chung ngunkhuai a hrial tiah a thanh chih fawn.

Hi kong he pehtlai in President Donald Trump nih a lehย  ve mi cu “fake news” tiah a soisel hna. “Ngunkhuai ka pek ko. Ngunkhuai kong he pehtlai in ca a chuah tikah nan theih telai.” tiah a chim ve. Cu pin ah, “ramchung ngunkhuai peknak zung hi ka cungah an dikfel lo” ti zong ah a hrang.

President Donald Trump hi a rumlianhnak le Company a ngeih mi kong le ngunkhuai kong he pehtlai in cathanh chuahnak a ngeih lo ruangah Upadi phung ning in zuamcawhnak fak ngai a ton lio a si. 1970 kum hnu khan ngunkhuai kong he cathanh a chuah lo mi President zong a si. Source: BBC

By Chuncha