Atu lio zawtnak lockdown hi cu a zei lei poah in a kan buai ko, pulrai in a thih mi cu chim lo, harsat buaibai le awllok choong ruangah mah tein nunnak a lakmi thawng kan thei labang hi cu tuar a fak ko. Atu thawng kan theih mi hi Malaysia kuala lumpur ah rian atuan mi kanmah Kawlram nu cu lockdown an tuah ruangah harsatnak le khualei zong kir khawh lo ruangah lungretheih nak in amah tein a thah tiah thanwg kan theih hi asi. Lung a fak ngaingai.

Mi khua le ram ah hlawhfa in caan a hmang lio ah thihnak thawng theih hi a har ngai mi asi. Nungak no te a si fawn i a paam ngaingai. Nihin (20 June,2020) Malaysia khuapi Kuala Lumpur (KL) Suankang BC ah riantuanmi Myanmar nationalist nungak kum 26 mi a min ah Aye Tandra Tun cu LOCKDOWN ruangah harsatnak a tong i amah tein a thah tiah the strait times nih a chim.

Myanmar i a chungkhar hna nihcun a rang khawh chungin rak tlung ko law tiah an cah nain atu lio zawtnak ruangah  LOCKDOWN nih tlung khawh lo in a kham caah le a riantuannak ah harsatnak a ton ruangah vansang awllok chong tuk in a um tikah zei tinak theih lo in amah tein a niunnak a lak hi asi tiah an langter.

Aruak kong he pehtlai in an vuinak kong le zei tin dah an tuah lai ti fiang in theih le langter asi lo. Kanmah Kawlram mi le sa a si caah le Chinmi tam umnak Malaysia a si ve tikah kan tuar pi cio lai ka zumh. Kaltak mi chungkhar nih in tuar zia thiam hram ko hna seh.

Ref: The strait times

By Chuncha