Kan hnu zarh September 11, 2020 i kan fapa Pa Chain Maye kum 11 nih ruah lo tuk in mual a kan liam tak mi ruak zoh caan le ruak vui caan thawng kan in theihter hna. A ruak zoh caan hi September 18, 2020 A caan 3:00 Pm in 6:00 Pm tiang zoh khawh a si lai. Ahmun, 7730 Boone Rd Houston, Tx 77072 ah zoh khawh a si. Funeral services hmannnak hmun cu 9034 Long Point Rd Houston, Tx 77055 a si lai i, September 19, 2020 a caan 12:00Pm in 2:00Pm tiang a si lai. Ruak vuinak hmun cu, Woodlawn Cemetery 1101 Antoine Rd Houstonm Tx 77055 a caan 2:00Pm in 3:00Pm ah vuinak tuah a si lai.

Maw vawlei cung ngai hi mu duh a tling hrim lo ee, kan dawt tukmi le kan zohthla ngai mi kan fanu kan fapa hna nih taksak in zungzal thennak a kan ngeih tak hi cu thinlung tuar a fak khun ko mu. Thihnak nih ngakchia upa thleidannak le zangfahnak a ngei kho hrim lo mu. Zeitluk in dah tuar a fak mu, dam lo in siizung hna ah a thlop mi cu sisehlaw cu a zei ti lei zong in tuar a va fawih deuh hnga mu, zingka sianginn lung nuam tein na kai lai tiah hung ruah ko mi darbang hung kai cu tuar a fak ko mu.

Atu mual a kan liam tak mi hi Pu Joseph Sithu le Pi Tha Chin Sung i fapa upabik Pa Chain Maye kum 11 lawng a si rih mi nih ruah lo tuk in mual a kan liam tak hi a si. Anmah hi an chungkhar in Houston khua, USA ah khua a sa mi an si. Apam hringhran mu, dam ko nain ruah lo tuk in mah ti hin thawng theih cu tuar a fak hringhran ko lai mu.

Athih ning hi deilei zing 1:30Am hrawngah a tho i a zun a zung ko i a it than. A nu riantuan a kal in a pa nih a zohkhenh hna i zing 6: 00AM hrawngah thawh ding sianginn kai ding in ka thawh atinak ah a tho ti lo i Emergency kan call ko nain minute 10 ah an phan colh. An phanh ahcun a nunnak a rak liam cang tiah theih a si. Bawipa tu nih kaltak mi hna a nu le a pa anau siseh, a cingla rualchan vialte in tuar zia thiam ter hram in hnemh hram ko hna seh.

Thawngpang dang <<<<< Kan hnu thla ahkhan Russia ram chung i vanlawng in a zuan lio ah Navalny cu ruahlopiin fak ngaiin a zaw i, thlopbul dingin Berlin, Germany lei ah vanlawng in an zuanpi. Novichok tuursivai in an rawi, tiah Germany, France le Sweden i siai zohfeltu hna nih an chim. Hi tuursivai hi Soviet ralkap chan lio i an tuahmi a si cang, ti a si. Russia belte nih ai pheh ko rih. A zawt thawngpang an theih le cangka, Aug. 20 ah khan Navalny a hawile rual nih Tomsk i ai thumhnak a hotel, Xander Hotel, ah thilsining an vung dothlat colh. Hihi cu hmanmi thilri a si theu lai, timi tiangin hotel i a tangh tami thil vialte cu an khomhsuat hna i, Germany ah a ummi doctors pawl sinah an kuat hna. Hi kongkau Russia i dothlatnak an tuah lo nak a ruang hi chim hau lo a si ko, tiah an chim.

Hotel i ai thumnak khaan chung i cabuai cungah cun dinti thawl pahnih an rak um i, pakhat cu cabuai kil lei te ah a um. A team pawl cu ralringtein an kut tiang an i hruk i, plastic bag chungah an hmuhmi thilri pawl cu fimkhurtein an fim hna. Cu ti an cawlcanghnak vialte cu video in an zeih. Dinti thawl an kuatmi hma lakin pakhat deuh ah tuursivai a um ko, tiah zarh hnih a rauh hnu ah Germnary sizung nih thawng a thanh. Cu hnu cun, cu tuursivai in Navalny an rawi a fiangtuk zia kha sibawi nih fehterhnak an tuah. A tu cu kan fiang cang: Airport lei panh dingin ai thawh hlan ah hotel a um lio ah an rawi hi a si, tiin a chim.

Tomsk airport i lakphakti a din lio ah hin rawi hna sehlaw a dawh cem, tiin cuhlan ah cun an ruah. โ€œHi tehte hi a hawlei rual nih Russia cozah hna mithai tangin an lak khawh hnu ah ram leng an chuahpi khawh cangโ€ tiin Navalny i a hawikom tha ngai zong a si i, khahlan deputy energy minister zong a si bal mi Vladimir Milov nih a chim. Navalny a zawt i August 22 i Germany lei an kuat lio tein khan dinti thawl an lakmi pawl zong an ken chih diam cang, tiah a hawipa Georgy Alburov nih Reuters ah a chim.

PUTIN Ral Navalny hi President Putin a dironhtu ram chung politic minung vialte lakah minthangbik a si. Amah belte cu party dirh cu an onh rih lo. An ram cozah pawl eihmurnak hlathlainak a tuahmi pawl YouTube le Instagram ah a tar i, minung million tam taktak sinah a phan. Navalny tuursivai in rawi a si mi kong hi hung kan fenh, tiin Germany, France, Britain le a dang ram tampi nih Russia cu an tlirhkhon cang. Cun a cungah phihkharnak thar tuah ding zongin an duhnak an langhter hna. Technical kongkau ah Germnay nih bomhnak a kan hal, tiah Organization for the Prohibition of Chemical Weapons (OPCW) nih Thursday ah khan a chim.

Russia lei zong nih hlathlainak cu an tuah ko nain, official tein kawlhawlnak kan tuah hlan ah, siailei pehternak kan hmuh hmasa a hau, ti a si. 2018 lio ah khan Russia agent a si mi Sergei Skripal le a fanu cu English city of Salisbury ah tuur in rawi an si ve bal cang. A pahnih in an nungdam than ko nain, tuur an paihmi dinti thawl a chartu Dawn Sturgess belte cu a thi. Cu lio i tuur in mi ai rawimi zong cu Russia nih ai pheh thiamthiam. 2019 November tein khan Novichok tuur telhchih in kham dingimi siai pawl OPCW members nih lungtlinnak an tuah. Cu ti nawl an chuah tharmi cu June lio in khan nunter a si cang.

Kan hawipa Navalny ai thumhnak hotel i thilri pawl kan vung khomhsuat hna lio tein khan ka thinlung ah tuur in an rawimi Skripal te pafa hna kong a langh colh. Kan phak hlan dungdang hna ah hotel a thenhhlimhtu pawl hna nih dinti thawl pawl an char manh sual in an i thihpi ve sual lai ti lawng kan phang, tiah hotel i thilri kawl ah ai telmi Timofeyev nih a chim. Reuters

By Chuncha