Ka nu aw na kan liamtak tuar a har tuk e…Na paw in na pawi mi fa tluk in a pawmcawitu le a ka dawtu ka nu aw…Lungsia herh lo tein kan tum vanram tu ah kan i tong than te lai ka nu…Na fa le thluachuah za a kan ham piak mi le thla a kan campiak tu na si zungzal…Zingchiar deihlan in na ihkhun cung tein thluachuah na kan ham piak mi vialte fa le vialte nih a thei par kan hmuh hrim lai…Na umnak ding inn te hmanh aa lim hlan ah inntha deuh Bawipa Jesuh rempiak inn tu ah nuam tein um ko kun law ka nu sian lo.

Note, Johny Mang hi Thantlang peng Leitak khua a si caah atu mual a kan liam takmi hi Leitak khuami a si ti kha fiangternak ka hun tuah duh. Hi bantuk in hringtu nu le nih mual vung liam tak hi tuar a fak bak mi a si. Vawlei a dong hlan tiang nu he I then a si cang bantuk in taksa in vung I then hi cu minung thisen a nung mi nihcun tuar a fak bik caan lio te asi. Kaltak mi chungkhar vialte Bawipa tunih in tuar zia an thiam khawhnak lai hnemh hram ko hna seh. Credit: Johny Mang

Thawngpang dang relchap<<<< Chinram laifang ah a ummi [ The Heart of Chinland ] Halkha khualipi nih a tonmi kokek rawhralnak kha Pathian nih Halkha khualipi tharchuah a timh caah a si timi cu caan nih a fianter chin lengmang tiah ka hmuh. Kan lungput kan thar chuah lai, Kan vawlei kan fing le kan tlang kan tharchuah lai, kan inn le kan lo zong kan thar chuah lai. Kan lo thlawh le kan thingphurh zong kan tharchuah lai. Kan lam le kan sul le ka nuncan ziaza zong kan thar chuah lai.

Kan lungput hi miphunpi lungput in kan tharchuah lai. Chinram a laifang ah a ummi kan si bantuk in nule pa dirhmun in kan dirhmun kan tharchuah lai. Lungput pical ngeih kan i zuam lai, peng dang nakin lungsau thinfual kan I zuam lai, dawtnak le zangfahnak thinlung zong a hlei in ngeih kan I zuam lai. Kan miphun cungah zaanghlei cawi lungput ngeih kan i zuam lai. Zaanghleicawi le thlachiat ruahnak lungput zong ngeih kan i zuam lai. Kan lungput zong Dawtnak le zaangfahnak lungput in kan tharchuah lai.

Kan ram dawtnak thinlung zong kan tharchuah lai, Kan fing le kan tlang ah tingkung, pangpar phuntling cin t’han kan I zuam lai. Va phuntling, saram phuntling lennak ram ah kan tharchuah lai. Kan fing le kan tlang hna hi dollar phaisa hmuhnak caah kan tharchuah lai. Chokhlei, dingdi, senri, vaurawng le thingkep par hna nih kan thar chuah lai.

Halkha khualipi cu Sui khualipi ah kan ser lai, city planning tein kan tharchuah lai i, Falam lam lei le Thantlang lei lam ah khua thar in kan thar chuah lai. Kokek rawhralnak ruangah umnak a ngeih lomi hna caah International standard tluk dawh in inn le lo, lam le sul kan thar chuah lai. Halkha City Hall nganpi zong ngeih kan i zuam lai. Shopping center nganpipi zong ngeih kan I zuam lai. Chin State parliament innpi zong kan ngei cang. Halkha college kan ngei cang i, University sianginn ah tharchuah kan I zuam lai. CCC sianginn zong CCU sianghlerun ah kan tharchuah cuahmah lio a si. Airport Vanlawngtual zong ngeih kan i zuam colh lai. A rawkmi sianginn, biakinn hna zong a dawh bikmi le a fek bimi inn le lo ah kan tharchuah lai.

Pathian nih kan khua le kan ram tharchuah a duh bantuk in kan lungthin le kan lungput zong tharchuah a duh. Kan tonmi thil vialte hi hmailei kan kalnak lam tluan caah hmuhsaktu le fimchimtu lawngte an rak si.

By Chuncha