US politic cu alinsa chin lengmang cang, Republican le Democrat pawl cu meheh le cuico bantuk in an um cang. Kan thei cia bantuk in Trump cu Covid a ngei, Trump Covid a ngei hnuah Nancy Pelosi nih President Trump nawlngeinak cu 25th Amendment hmangin lak piak a tim.Trump cu Covid a ngei cang caah, mental hei ah buainak a ngei tiah House ah Commission dir a tim. Atu cu Trump cung tuah a tim mi cu a cungah a tlung cang.

Trump holds first public event since COVID-19 diagnosis | US & Canada | Al  Jazeera

Rep. Doug Collins nih nikhat ni/Monday ah Nancy Pelosi hi mental health lei ah buianak a ngei, amah hi House Speaker a sinak in ngawlter ding a si tiah resolution a chua pi cang. Nancy Pelosi hi Hose Speaker si ding in a tling ti lo, House speaker in ngawlter ding a si tiah a chim.A chim ning a cun, “Speaker Nancy Pelosi’ hi US phunlam ning tein rian a ttuan duh lo. A rian ttuan ning le a thil tuah ning vialte nih a langter dih cang ko kha. Nai ah khan amah le mah Mental fitness ah bia halnak zong a tuah kha, Cucaah mah bantuk thil a cang mi hi a saw sawh mi a si lo caah House of representative nih House speaker Nancy  Pelosi cu a rian in ngawlnger ding a si tiah a chim.

Nancy Pelosi hints at possibility of push to invoke 25th Amendment amid  concerns over Trump's health

Nancy Pelosi nih a si ning tein rian a ttuan kho lo caah House Speaker ding in a tlak ti lo, cucaah House Speaker a si nak in ngawlter ding a si lai tiah a chim chap.A chim chap mi cu, Nancy Pelosi nih a her lo mi kongah dothlatnak tuah ding in rian a ttuan peng. A herh lo mi kongah President Trump a doh i a thangchiat peng, Kum 2019 ah Trump impeachment an tuah mi vialte zong kha a her lo mi lawngte a si.

Trump: Nancy Pelosi couldn't pass 'basic aptitude tests'

A herh lo mi thil tam pi a tuah, chim ding tampi a um. President Trump nih State of the Union Speech a ngei hnuah Trump bia chim mi paper cu House chungah a thleh. Mah bantuk in thil herh lo mi a tuah mi a tamtuk caah amah hi mental health lei ah buainak a ngei mi a si caah a rian in phuan si seh tiah a chim. Source-Foxnews

Pelosi calls latest Trump stimulus proposal 'grossly inadequate' as Trump  revives push

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha