Kawlram caan karlak hruainak(lakhruak hruainak ) i rian khinh na sinak cung ah lawmhpinak kan ngei. Na ka theih bal mi minung ka si lai lo tiah ka ruah. Roaland Thang ka si i, Japan ram ah sianginn kumli tluk ka kai hnu ah Tokyo khualipi ah a um mi IT college sianginn pakhat in degree ka lak hnu ah Japan cozah sin ah pawcawmnak rian an ram ah ttuan ding in nawlnak ka tuah hna i legal tein pawcamnak rian a ttuan cuahmah lio mi Kawlrammi, Na miphun hawi pakhat ka si ve tiah theihternak vun i tuah ta ka duh. Dawtnak lungput le dinfelnak he ram na hruai lai ti mi pin ah pumpak in a dang zeihmanh ruahchannak ka ngei lo.

May be an image of 2 people

A tubantuk in Kawlram politics thlihran” Cepa a duh mi nih Cepa i lak u, Arttau a duh mi zong nih Cepa i lak u” ti mi caan lio ah rian khinh mi na cohlan i,” Ralkap caah ka ttuan lai lo, Lairam le Laimi phun” caah ka ttuan lai na ti mi le, “ Lai mi nih kan ttuan lo i miphun dang pi hna nih an ttuan ahcun Lairam le Laimi caah zawnruahnak an ngei lai lo”, tiah na bia ruang ah za ah za in(100%)kan zumh i, thazaang zong kan pek bak.

May be an image of 1 person and indoor

Soiseltu le dohtu tampi lak ah a ka dawtu le ttanhtu an um ve ko ti na theihnak ding ah minung pakhat ka rak i chap ve. Dohtu le soiseltu hna ruang ah thachiatnak na ngeih sualnak hnga lo thlacamnak in ka rak in bawmh ve lai. Cozah riansang na rak ttuan lio ah Lairam le Laimi phun ca i thilttha tampi na rak kan tuah piak mi cung ah upat hmaizahnak kan pek i, a thar in caanttha na ngeih tthan mi ca zong ah thilttha tampi na kan tuah piak rih lai tiah ruahchannak tampi ka ngei fawn. Upatnak he, Roland Japan

Thawngpang dang: Ralkap nih ruahnak petu ah rian an khinh tiah ka vun theih i ka lau lem lo. Ralkap zia cu an tuahmi paoh a cohlang i a thatnak lei in ruahnak a petu pawl khi an hei thimmi hna cu an si tawn ko caah tutan zong hi a zawkhan te si ko ka ti.

Dr. Andrew Ngun Cung Lian hi 2014 ah si ko rua Naypyidaw ah Myanmar Youth Forum ah kan rak itong. Ralkap he rian an tuan tti hnu kha a si. Ralkap ka hmuh hna ning timi phunli a rak chim.

A chimmi pawl kongah MRTV ah lehnak ka rak tuah ve nain an rak ka thlahpiak lo . The Chinland Post tu ah article in ka rak tial ve. Ralkap ka hmuhning tiin a chimmi chungin pahnih cu: Pakhatnalk: Tatmadaw cu luatnak (Independence) a kam lak pitu kan pa Bogyoke Aung San dirhmi a si.

Pahnihnak:  Ramkhel buainak kha hriamnak in siloin ramkhel kalning in remhchun a duhmi an si. Hiti hin a ti daih ko hen cu. Ka upat ngai bal mi cu a si. A thluak cu tutiang ka upat ko. Nain minung thluak nain thinlung a rak biapi deuh i a poi ngai. (Aa dawhtuknak a hmanthlak khi cu Khiang Awi- Thailand minta pa a si) Crd: Salai Ngun San Aung

By Chuncha

Leave a Reply

Your email address will not be published.