October 15 ah Miami ah tuah dingin khan a rak si mi US Presidential debate ah cun President Donald Trump nih “kai tel ti lai lo” tiah a chim. Hi debate tuah dingmi ahhin TV in a langhlat in debate hi tuah ding a si tiah theih a si i, hmaitonh in tuah lo ding in Debate tuahtu Comission in an khan i thawng an thanh khahw ah “kai tel lailo” tiah a thanh hi a si.

Trump's White House Covid-19 cluster needs more contact tracing - Vox

Cu hlan ah cun debate a voihnih ningin tuah ding ah khan a rak si nain, President Donald Trump cu COVID-19 zawtrai ai chawnhbarh ruangah a tubantuk TV in debate tuah ding an khan nak hi a si. President Trump cu a siibawi nih siizung in a ttum hnu ah a tu cu zawtnak muihmel a keng lo tiah a chim.

The day Covid-19 came to Donald Trump's White House - world news -  Hindustan Times

A lang in TV debate tuah dingmi hi Trump nih Joe Biden hi an runven ca ah a si tiah a chim. “Mah pilawng tthut in debate ca ah ka caan ka thlau siang lo. Computer hnu tthut cu nichuak a si. An cik an tan hoi lai. Cu ca ah hibantuk online in tuah mi debate ahcun kai tel lailo” tiah a chim.

Twitter flags Trump, White House for 'glorifying violence' in tweets about  George Floyd protests - ABC News

A luancia avoikhatnak Presidential Debate cu September 30 ahkhan rak tuah a si. Hi lio ah an pahnih in khat le khat biatan in “fak ngaingai” in an rak i al. US Media pawl nih cun avoikhatnak debate kong ah an lungtlin lonak an chim len. Hibantuk debate cu “tla bebua” le “muichia” ngai a si tiah an soisel ngai.

Coronavirus: Dr Anthony Fauci calls White House gathering days before  Donald Trump's coronavirus diagnosis 'dangerous' | US News | Sky News

Atu a ra laimi Presidential debate tuah dingmi hi Miami ah tuah ding a si i, hi debate ahhin mipi lei in biahalnak zong tuah khawh ding in timhlamh a si. Atu tan Presidential Debate ca ah Moderator ca timhtuah mi hi C-SPAN in Ramkhel lei Director Steve Scully a si. Nikhat ni ahkhan cun President Trump nih avoihnihnak debate hi tuah a duhnak kong a chim i, Joe Biden zong nih siibawi te nih donhhlei cungah debate tuah ding an onh ko ahcun Trump he debate tuah ding in kai tim ko tiah a rak chim.

Trump Infection Puts Large Retinue of White House Aides at Risk

Thawngpang Dang>> President Donald Trump nih Democrats hruaitu hna le House Speaker Nancy Pelosi cu Stimulus Check pek khawh lo ruangah faak ngai in twitter ah a soisel hna. Mah tluk in American mipi nih harnak an ton I bawmhnak pek an herh lio caan ah Stimulus check cu politic game celhnak ah an hman. Democrats party nih biapi deuh in an chiahmi cu tthitha in an uk khawh lomi democrats khua le state pawl bawmhnak lawng an tuaktan mi a si. American mipi le riantuan tu bawmh an I tim lo” tiah a chim. US i, sual a tamnak, meithal kah a tamnak le misifak an tamnak khua hi democrats pawl nih an ukmi khua a tam ti a si.

There Is Zero Reason to Panic”: On Trump's Coronavirus Case and the  Shredded Credibility of His White House | The New Yorker

Mah ruangah President Trump nih Republican hruaitu hna le White house Secretary of Treasurer hna cu Democrats pawl he Stimulus Check kongah deal tuah ti lo ding le iceihhmainak tuah ti lo dingah nawl a pek cang hna. A ra laimi president thimnak tuah hnu tu ah a thar in ceihmainak tuah dingah nawl a pek cang hna. Mah ruangah tukum chungah cun cozah bawmhnak stimulus check ngah than dingah ruahchannak a um tuk ti lo.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha