Armenia ram top intelligent agent, National Security Service (NSS) hna nih an ram Prime Minister Nikol Pashinyan thah timtu ah an puh mi, NSS director hlun Arthur Vanetsyan an tlaih. NSS hna nih Arthur Vanetsyan an tlaih lio ah, amah bawmchan tu ah ruahmi midang 2 zong an tlaih chih. Arthur hi NSS director a ttuan lio, kum 2018-2019 karlak ah khan midang amah dirpitu hna he Prime Minister thahnak ding khuakhannak an ngei tiah NSS nih an langhter.

Armenia declares martial law, total military mobilization amid clashes with  Azerbaijan | Daily Sabah

NSS nih Prime Minister thah timtu ah an puh i an tlaihmi hna hi, NSS Director hlun, Arthur Vanetsyan, Republican party hruaitu hlun Vahram Baghdasaryan le Volunteer Ashot Minasyan hna an si.Armenia Prime Minister Nikol Pashinyan nih hin nai hrawng hrawng ah buainak tampi a ngei, an ram le Azerbaijian ram nih ramri kong an buainak ah Russia hna he kahdaihnak hnatlaknak an ngei.

Armenian PM, Family Test Positive for Coronavirus | Voice of America -  English

Hi kahdaih hnatlaknak hi Armenia ram mipi hna nih an duh lo, hi ruangah Prime Minister Nikol Pashinyan hi awlawk chawngin a um lio a si.Kahdaihnak hnatlaknak an tuahmi ah hin Nagorno-Karabakh hmun hi Azerbaijan ram chung ah khumh ding a si, hi ruangah Armenia mipi nih lungtlin lonak langhter in buainak an chuahpi. Nagorno-Karakbakh pengkulh hi Armenia le Azarbaijan nih caan saupi an rak i cuh cangmi a si.

Artur Vanetsyan resigns from President of Football Federation of Armenia |  ARMENPRESS Armenian News Agency

Hi kong he pehtlai in tukum september thla thawk khan buai hram aa thawk than i ram pahnih karlak ah i kahdohnak a chuak than, hi ruangah civil mi tampi nih harnak an ton i an inn le lo an chuahtak.Nagorno-Karabakh hmun hi UN nih Azarbaijan ram ah a cohlan pimi a si, a sinain hi hmun i  khua a sami hi Armenia miphun an si.Russia nih Nagorno-Karabakh pengkulh ah buainak fak a chuahlo nakding ah Russia ralkap 2,000 a rak chiah cang.

Armenia detains several opposition leaders | Eurasianet

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.